Kven har rett til gratis eller rabattert tannbehandling?

Gratis tannbehandling på offentleg tannklinikk.

Frå det året du fyller 19 år og ut det året du fyller 26 år, kan du ha rett på nødvending tannbehandling til 75 prosent rabatt i den offentlege tannhelsetenesta.

Les her om kva du skal gjere for å få rabatt. 

Gratis tannbehandling på offentleg tannklinikk.

Eldre, uføre og kronisk sjuke med opphald i somatiske eller psykiatriske institusjonar, har rett til gratis naudsynt tannbehandling frå den offentlege tannhelsetenesta.

Føresetnaden er at opphaldet vil vare samanhengande utover 3 månader.

Pasientar som mottar helsefaglege heimebaserte tenester (heimesjukepleie), har rett til gratis naudsynt tannbehandling frå den offentlege tannhelsetenesta. 

Føresetnaden er kommunalt vedtak etter Helse- og omsorgstenestelova § 3-2 punkt 6a – helsetjenester i hjemmet, og når den helsefaglege heimebaserte tenesta blir gitt minst 1 gong i veka og det er forventa at den vil vare samanhengande utover 3 månader.

Merk at pasientar som kun mottar praktisk hjelp etter Helse- og omsorgstenestelova § 3-2 punkt 6b - personlig assistanse, herunder praktisk bistand og opplæring og støttekontakt, ikkje har rett til gratis tannbehandling frå den offentlege tannhelsetenesta.

Pasientar i pleie av pårørande, finansiert med omsorgslønn, har rett til gratis naudsynt tannbehandling på offentleg tannklinikk 

Føresetnadene er at pleiebehovet attesterast av lege og at pleieperioden er forventa å vare utover 3 månader.

Personar med rusmiddelavhengigheit har rett til gratis naudsynt tannbehandling frå den offentlege tannhelsetenesta, eller hos privatpraktiserande tannlege som den offentlege tannhelsetenesta i Møre og Romsdal har avtale med, dersom:

• personen oppheld seg i behandlingsinstitusjon, etter lov om spesialisthelsetenesta og i omsorgsinstitusjonar etter Helse- og omsorgstenestelova, og når opphaldet har vart samanhengande utover 3 månader.
• personen mottar kommunale tenester samanhengande utover 3 månader, etter Helse- og omsorgstenestelova § 3-2, punkt 6b og 6c.
• personen er under LAR-behandling (legemiddelassistert rehabilitering).

Sit du i fengsel, har du rett til naudsynt, akutt tannbehandling ved behov. Dette gjeld uavhengig av kor lenge du sonar.

Soning i meir enn tre månader

Sit du inne i meir enn tre månedar, får du tilbod om tannhelseundersøking, førebygging og naudsynt tannbehandling. Dette gjeld både om du sit i fengsel og/eller er i ein overgangsbolig.  Heimesoning gir ikkje rettar til tannhelsetenester.

Fylkeskommunen gir behandling til barn og unge 0-18 år.

Personar i aldersgruppa 19–26 år med midlertidig opphaldstillatelse må ha budd fem år i Norge for å ha rett til rabattert tannbehandling i den offentlege tannhelsetenesta. Personar i aldersgruppa 19 - 26 år som har midlertidig opphaldstillatelse, men som ikkje oppfyller botidskravet, kan kjøpe tannhelsetenester på det private markedet. Den offentlege tannhelsetenesta refunderer ikkje kostnadane. Botidskravet gjeld ikkje for personar frå EU- og EØS-land, eller dei med rett til tannhelsehjelp etter gjensidighetsavtalar.

Vaksne som ikkje har rettar hos den offentlege tannhelsetenesta må sjølv oppsøke tannlege og dekke utgiftane for behandlinga sjølv.  Vaksne bebuarar på asylmottak kan søke veiledning om økonomisk dekning av tannhelsehjelp gjennom sitt aylmottak.

Møre og Romsdal fylkeskommune har eit tilrettelagt tannhelsetilbod til personar som har blitt utsett for tortur (T), overgrep (O) eller har sterk tannbehandlingsangst (odontofobi, O). 

TOO-behandlinga er gratis. Treng du vidare tannbehandling hos ein annan tannlege eller tannpleiar, må du betale sjølv.

• Les meir om angst for tannbehandling – TOO.