Forprosjekt nye utdanningstilbod

Formål 

Ordninga skal støtte opp om utvikling av nye utdanningstilbod og kompetanseprogram som er særleg relevante for å møte kompetansebehovet i arbeidslivet i Møre og Romsdal.  

Prosjekta som får støtte skal danne grunnlag for oppretting av eit nytt tilbod i Møre og Romsdal, eller kvalifisere prosjekt frå Møre og Romsdal til å nå opp i nasjonale utlysingar om utvikling av utdanningstilbod.

Målgruppe: Kven kan søkje  

Både  utdanningstilbydarar (universitet/høgskolar, fagskolar og vidaregåande skular) og organisasjonar som representerer arbeidslivet, kan søke. Det er ein føresetnad at prosjekta har eit samarbeid mellom utdanningstilbydarar og arbeidslivet. 

Vilkår: Kva kan det søkjast om støtte til 

1. Å utvikle nye utdanningstilbod som er relevante for arbeidslivet i Møre og Romsdal. 

Nye utdanningstilbod kan vere innanfor universitet og høgskole, høgare yrkesfagleg utdanning (fagskole) eller vidaregåande opplæring. Nye utdanningstilbod skal gi formell kompetanse i form av fagbrev eller studiepoeng. 

Med nye utdanningstilbod meiner fylkeskommunen: 

• Nye utdanningstilbod som ikkje eksisterer i Møre og Romsdal 
• Nye emnar eller modular 
• Nye måtar å tilby eksisterande utdanningstilbod på  

Døme på nye måtar å tilby eksisterande utdanningstilbod på kan vere å tilpasse stadbasert opplæring til samlingsbasert og/eller nettbasert opplæring.

2. Kompetanseprogram: Å utvikle nye kompetanseprogram som er relevante for arbeidslivet i Møre og Romsdal. 

Med kompetanseprogram meiner fylkeskommunen ei strukturert opplæring med fagleg innhald. Programmet skal vere utvikla med mål om deltaking frå fleire organisasjonar.  

Det er ikkje krav om at kompetanseprogram skal gi formell kompetanse.  

Fylkeskommunen kan ikkje støtte konferansar, korte møter og workshop frå denne ordninga.  

Maksimal støtte per prosjekt er 400 000 kroner.

Døme på kostnader som ein kan få støtte til frå ordninga:  

• Kartlegging av kompetansebehov i arbeidslivet, for eksempel behovet i ein bransje/næring/sektor 
• Utgreiing av innhaldet i eit nytt utdanningstilbod eller kompetanseprogram 
• Samarbeid mellom utdanningstilbydar og arbeidsliv om utvikling av nye tilbod, til dømes prosjektleiing, møtekostnadar 

Avgrensing: Kva kan det ikkje søkast om støtte til?  

Forprosjektmidlar kan ikkje brukast til: 

• Drift av nye tilbod
• Marknadsføring eller drift av eksisterande utdanningstilbod   

Statsstøtte

Søknadar vert vurdert opp mot statsstøtteregelverket. For dei prosjekta der statsstøtteregelverket trer i kraft, vil støtte frå ordninga gis som opplæringsstøtte (artikkel 31 i gruppeunntaket).

Fylkeskommunen støttar berre utvikling av nye utdanningstilbod eller kompetanseprogram som går ut over obligatorisk opplæring. Tilboda kan heller ikkje vere knytt til vidareutdanning som er pålagt av nasjonale myndigheiter. 

Søknadsfrist

Vi tar imot søknader fortløpande.

Send søknad på Regionalforvaltning.no

Kontakt