Møremusikarordninga: Arrangørtilskot til innleige av profesjonelle frilansmusikarar

Arrangørar kan søke om tilskot til å leige inn profesjonelle musikarar.

Den årlege ramma er 1 000 000 kroner.

Kva kan du søke støtte til?

Bruk av profesjonelle musikarar som medverkar i/med:

  • alle typar konsertar
  • instruksjonsoppdrag
  • akkompagnement
  • arrangering og komponering i samband med konsertar
  • assistansespel i amatørensemble
  • profesjonelle ensemble
  • kulturelle innslag ved til dømes kurs, konferansar og møter, solistoppdrag, kursverksemd

Som arrangør kan du søke om tilskot til honorar og reisekostnader.

Les dei fullstendige retningslinjene for Møremusikarordninga her (PDF, 104 kB).

Kven blir det ikkje gitt støtte til?

  • Kommunar inkludert kulturskolar
  • Fylkeskommunen
  • Undervisningsinstitusjonar
  • Private arrangement

Det blir ikkje gitt støtte til arrangement som har blitt gjennomført før søknadsfristen. Arrangement får ikkje støtte når framføringsdato er under 4 veker etter søknadsfrist.

Kven kan søke?

  • Konsertarrangørar
  • Kulturinstitusjonar
  • Det frivillige musikklivet
  • Det lokale næringslivet

Formål

Formålet med ordninga er å sikre gode profesjonelle musikktenester til kulturlivet og å legge til rette for kulturarrangement med høg kvalitet i Møre og Romsdal.

Ved å støtte dei profesjonelle musikarane sin kunstnarlege aktivitet legg også ordninga til rette for at fleire kan bu og leve av kunsten sin i fylket vårt.

Du kan òg leige inn andre profesjonelle musikarar enn dei som står på lista under.

Søknaden må innehalde

  • namn på arrangør, organisasjonsnummer og kontaktperson
  • namn på arrangementet, stad og dato for gjennomføring (inkludert lokale og kommune)
  • kort beskriving av arrangementet, innhald, plan for gjennomføring, målgruppe, forventa deltakarar, samarbeidspartar, program
  • arrangementstype for eksempel ulike konsertar, assistansespel, instruksjon, seminar
  • namn på profesjonelle musikarar du ønsker eller har avtalt å leige inn samt eventuelle frivillige som skal stå på scena saman med dei profesjonelle musikarane
  • budsjett som viser utgifter og inntekter. Musikarhonorar og forventa kostnader til reise må også komme fram
  • framdriftsplan (tidsplan for tiltaket)

Søknaden må sendast digitalt i søknadsskjema du finn via lenka under.

Søknadsfrist

15. januar, 15. mars, 15. mai, 15. august og 15. oktober

Send inn din søknad

Skal du rapportere på ei tildeling du fekk i den gamle portalen (Regionalforvaltning)? Da kan du følge denne lenka.

Relevante lenker