Kva kan du søke om støtte til?
Søk om tilskot til ekstra personellressurs som kan følge opp kandidaten tettare og legge til rette i opplæringa. Tilskotet kjem i tillegg til ordinært basistilskot for lærlingar og lærekandidatar.
Kven kan søke?
Lærebedrifter og samarbeidsorgan for lærebedrifter som har lærling eller lærekandidat med behov for ekstra tilrettelegging.
Formål
- Ordninga skal legge til rette for at kandidatar med ekstra behov skal få moglegheit til å ta ei fagutdanning.
- Målet er kvalifisering til arbeid innanfor ordinært og tilrettelagt arbeidsliv.
Søknadsfrist
Søknadene blir behandla og utbetalt fortløpande.
Retningslinjer
- Kandidaten må ha ekstra behov for tilrettelegging, gjennom tettare oppfølging og rettleiing utover ordinær tilpassa opplæring.
- Kandidaten må vere under 25 år og ha ungdomsrett.
- Kandidaten må ha godkjent lære-/opplæringskontrakt i Møre og Romsdal fylkeskommune.
- Vilkåra for tilskot må vere oppfylt under heile perioden det blir utbetalt tilskot for.
- Lærebedrifter og samarbeidsorgan for lærebedrifter kan søke om tilskot til ekstra personellressurs. Tilskotet er på 6000 kroner per månad, og kan innvilgast for inntil seks månader av gongen. Tilskotet har ikkje tilbakevirkende kraft. Dette inneber at det ikkje blir tildelt tilskot tilbake i tid.
- Fylkeskommunen kan ved behov foreta stikkprøvekontrollar av opplysningar som lærebedrift eller samarbeidsorgan for lærebedrifter gir ved søknad om tilskot.
- Dersom krava for å få tilskot ikkje er oppfylt, kan fylkeskommunen halde tilbake tilskot, eventuelt krevje tilbake for mykje utbetalt tilskot. Ved feil i utrekning eller utbetaling kan heile eller delar av tilskotet krevjast betalt tilbake.
Søk om støtte
Det er viktig at du beskriv behovet for ekstra tilrettelegging nøye. Fyll ut skjema og send inn via eDialog. (DOCX, 61 kB)
Send inn skjemaet via eDialog.