Tilskot til førehandsundersøkingar av verneverdige byggverk

For 2026 prioriterer vi listeførte kulturminne og kulturmiljø og søknader som støtter opp under dei nye bevaringsstrategiane – sjå nedanfor.   

Kva kan du søke støtte til?

• Tilstands- og tiltaksrapport med kostnadsoverslag. Det er krav om at ein restaureringskyndig handverkar skal skrive rapporten og gjere vurderingane. 
• Fargeundersøkingar på mur og trebygg. Det er eit krav at det blir gjennomført av fagfolk med kompetanse.
• Engasjere arkitekt for 
  • å finne ut korleis du kan bruke eit verneverdig byggverk på ein ny måte, f.eks. teikningar
  • å tilpasse nye tiltak (påbygg, tilbygg, nybygg) slik at dei tek i vare dei kulturhistoriske verdiane i eit bygg eller bygningsmiljø

Tilskotet er på inntil kr 15 000. 

I spesielt omfattande prosjekt kan vi tildele ein høgare sum under føresetnad om samfinansiering med søkar eller andre. Summen kan ikkje overstige over 50 prosent av totalkostnaden. 

Slik prioriterer vi kven som får støtte 

Søknadane blir prioritert etter eit eller fleire av desse kriteria frå 15. april 2026:

• Bygg og bygningsmiljø som er listeført med regional verdi – sjå vedlegg i Regional delplan for kulturminne og kulturmiljø eller Hjem - Kulturminnesøk
• Kystkultur, nærare bestemt: 
  • Naust, sjøbuer, og brygger
  • Hamner, handelsstadar, post- og stoppestadar
  • Eldre fritidsbustadar
• Landbruket, nærare bestemt:  
  • Den førindustrielle garden sine bygningar
  • Einskapslåven og seterbygningar
  • Skogskoier, sager
• Kulturmiljø i by og bygd, nærare bestemt:  
  • Bygningsmiljø som medverkar til særpreg
  • Fellesskapet sine bygningar og uterom
  • Gjenreisingshus
• Kulturmiljø i næring og industri, nærare bestemt:
  • Industrimiljø
  • Byggverk i industrien
  • Byindustri
  • Særeigen småindustri
     

Kva kan du ikkje få støtte til?

Du kan ikkje søke tilskot til arbeid som allereie er utført. Du kan ikkje søke tilskot til bygningar eller tiltak i bygningsmiljø som ikkje er verneverdige. 

Kven kan søke?

Private eigarar, sogelag, venneforeiningar og liknande kan søke støtte.

Søknadsfrist

Det er fortløpande søknadsfrist og tildeling.
Budsjettet for ordninga er på kr 500 000 for 2026. 
 

Send inn søknaden din

Vilkår 

• Det er ein føresetnad at tilstands- og tiltaksrapport blir laga av handverkar med kompetanse innan bygningsvern. Du må avklare med oss kven du engasjerer til arbeidet.
• Dersom ikkje anna er avtalt skal tilstandsrapporten utførast tilnærma lik NS 3423 Tilstandsanalyse av fredete og verneverdige bygninger (nivå 1). 
• Tilskotet er berre gyldig det året du får støtte. Det går automatisk ut på dato om arbeidet ikkje er utført. Du må be om utbetaling innan utgangen av året.
• Når du ber om utbetaling, sender du dokumenta frå handverkar eller arkitekt med kopi av fakturaen digitalt til fylkeskommunen via eDialog . eDialog er ein sikker, digital kanal for å sende brev og dokument til fylkeskommunen.