Kva kan du søke støtte til?
- Du kan søke støtte om å få utført ein tilstandsrapport for eit verneverdig byggverk og få laga ein tiltaksplan for prosjektet og kostnadsoverslag. Det er krav om at ein restaureringskyndig handverkar skal skrive rapporten og gjere vurderingane.
- Du kan søke tilskot til å engasjere arkitekt i nokre timar for å finne ut korleis du kan bruke eit verneverdig byggverk på ein ny måte og gjere endringar samtidig som du ivaretek dei kulturhistoriske verdiane til bygget.
Vi kan tildele støtte på inntil 10 000 kroner til slike tiltak.
Kva kan du ikkje få støtte til?
Du kan ikkje søke tilskot til arbeid som allereie er utført.
Kven kan søke?
Private eigarar, sogelag, venneforeiningar og liknande kan søke støtte.
Formål
Formålet er at fleire sett i stand verneverdige bygningar og anlegg og tar dei i bruk.
Søknadsfrist
Det er ingen fast frist for å søke. Vi behandlar søknader fortløpande.
Vilkår og retningslinjer
Dersom du har fått tildelt støtte og skal be om utbetaling, må du:
- sende ein e-post til post@mrfylke.no og legge ved rapport med tiltaksplan og kostnadsoverslag. I tillegg skal også eventuelle teikningar frå handverkar/arkitekt vere med.
- sende ein kopi av faktura som dokumenterer kostnaden.
Det er ei forutsetning at rapporten blir laga av handverkar med kompetanse innan bygningsvern. Du må avklare med oss kven du engasjerer til arbeidet.
Tilskotet er berre gyldig det året du får støtte. Det går automatisk ut på dato om arbeidet ikkje er utført og du ikkje har bedd om utbetaling innan utgangen av året.
Send søknad
Send gjerne inn foto av av det aktuelle kulturminnet og kartutsnitt som gjer det lett for oss å orientere oss på staden, på e-post.