Tilskot til freda kulturminne i privat eige

Ved å gi økonomisk støtte til freda kulturminne i privat eige er målet å kunne restaurere både dei og kulturmiljøa rundt dei. Dei utgjer grunnlaget for å ivareta kjeldeverdi, opplevelsesverdi, bruk og verdiskaping.

Kva kan du søke støtte til?

Tilskotet skal dekke meirkostnader, heilt eller delvis, i samband med:

  • istandsetting
  • vedlikehald
  • antikvarisk sikring
  • konservering av fast inventar
  • skjøtsel av kulturminne og kulturmiljø

Tilskotsmottakaren kan bruke 10–15 prosent av tilskotet til prosjektleiing eller prosjektoppfølging forbunde med tiltak det blir gitt tilskot til.

Det blir ikkje gitt støtte til teknisk standardheving.

Kven kan søke støtte?

Private eigarar og forvaltarar av kulturminne og kulturmiljø som er freda, midlertidig freda eller der fredingssak er under behandling.

Formål

Formålet er å bevare freda kulturminne og kulturmiljø i privat eige og å bidra til at dei blir sett i stand etter antikvariske retningslinjer.

Søknadsfrist

1. november

Støtteordninga opnar for nye søknadar 1. oktober. Når ordninga er open kan du søke støtte via Digisak, Kulturminneforvaltningas søkarportal.

Søknadsskjema i Digisak

Merk: Digisak fungerer ikkje med Internet Explorer. Vi anbefaler deg å bruke ein anna nettlesar, for eksempel Edge eller Google Chrome.

Slik prioriterer vi kven som får støtte

Kulturminne som har spesielt tyngande vedlikehalds- og istandsettingsoppgåver for eigaren, i tillegg til bygg og anlegg der store kulturminneverdiar står i fare for å gå tapt, blir prioritert. Det same gjeld kulturminne som er tilgjengelege for publikum, oppleving og formidling.

Retningslinjer

Ta gjerne ein titt på forskrift om tilskot til freda kulturminner i privat eie på nettsidene til Lovdata.