Presiseringar
Kulturtilskot er eit gode du kan søke om å få, men ikkje noko du har krav på. Tildelinga skjer på bakgrunn av retningslinjer, krav og prioriteringar. Desse er gjort kjent på førehand.
Tilskotsmidlar er eit knappleiksgode. Det betyr at det er mindre pengar tilgjengeleg enn det som blir søkt om. Derfor gjer fylkeskommunen ei vurdering av søknadane basert på skjønn. Dette betyr også at gode søknadar, som er i tråd med retningslinjene, kan bli avslått eller få mindre støtte enn det de har søkt om.
Vi er avhengig av nok pengar i budsjettet for å kunne gjere tildelingar.
Kva kan du søke støtte til?
Hovudsakleg friluftstiltak som stimulerer til direkte friluftsaktivitet, som for eksempel organiserte turar, friluftsleirar, praktiske kurs og anna opplæring i friluftslivsaktiviteter.
Mindre deler av tilskotet kan brukast til innkjøp av enkelt utstyr og materiell når dette er nødvendig for å gjennomføre friluftslivsaktivitetane, som for eksempel fiskestenger, kompass eller nokon få enkle telt.
Kva blir det ikkje gitt støtte til?
Det kan ikkje gis tilskot til kostnadsdrivande utstyr. Det kan heller ikkje gis tilskot til utstyrssentralar/utstyrsbanker eller til lag og foreiningar som vil supplere sitt eige utstyrslager.
Kven kan søke støtte?
Frivillige organisasjonar som er registrert i Enhetsregisteret (Brønnøysundregistera) og interkommunale friluftsråd som arbeider med aktivitetsfremmande tiltak for friluftsliv.
Formål
Formålet med ordninga er å medverke til auka deltaking i helsefremmande, trivselsskapande og miljøvennleg friluftsliv for alle grupper i befolkninga.
Søknadsfrist
1. desember
Søknadsskjema hos Miljødirektoratet
Slik prioriterer vi kven som får støtte
I saksbehandlinga blir følgande typar av aktivitetar og tiltak prioriterte:
- Aktivitetar som krev lite ressursar og er lett tilgjengelege for ulike brukargrupper
- Tiltak som blir gjennomført i nærmiljøet – med særleg vekt på byar og tettstader
- Tiltak som medverkar til økt deltaking over tid
- Tiltak retta mot personar som er lite fysisk aktive
- Tiltak retta mot barn, unge og barnefamiliar
- Tiltak retta mot personar med nedsett funksjonsevne
- Lokale/regionale tiltak retta mot personar med innvandrarbakgrunn