Til søknadsfristen 1. april 2025 vil vi prioritere friluftslivstiltak og tiltak som kombinerer tilrettelegging av friluftsliv og formidling av kulturarv for eksempel langs historiske ferdselsårer.
Grunna tilgjengelege midler i ramma er det ikkje rom for å prioritere istandsettingstiltak i denne runden.
Denne ordninga er ei ny ordning, slått saman av desse to ordningane:
- Tilskot til skjøtsel, skilting, merking og mindre friluftstiltak
- Tilskot til regionale kulturminne og kulturmiljø
Desse ordningane er altså avvikla og erstatta av den nye ordninga.
Kva kan du søke støtte til?
Fylkeskommunen gir tilskot til prosjekt og tiltak innan kulturminne, kulturmiljø og friluftsliv som har regional interesse og verdi for eit større geografisk område, utover det lokale.
Les dei fullstendige retningslinjene for prosjekt og tiltak kulturminne, kulturmiljø og friluftsliv ved å følge denne lenka (PDF, 113 kB).
Kulturminne og kulturmiljø
Kulturminne og kulturmiljø må vere listeført i Regional delplan for kulturminne i Møre og Romsdal eller i kommunens kulturminneplan og/eller ha omsynssone i reguleringsplan eller kommuneplanens arealdel.
Treng du rettleiing for eit kulturminne- og kulturmiljøprosjekt? Ta kontakt med rådgivar Sofie Molnes Søvik.
Friluftsliv
Friluftslivsområde som er kartlagt og verdsett etter Miljødirektoratet sin rettleiar, der kartlegginga viser at området har regional bruk. Tiltak som i tillegg inngår i ei heilskapleg plan eller strategi blir prioritert.
Størrelse på tilskot blir vurdert ut frå budsjett for kvart tiltak og tilgjengelege midlar.
Treng du rettleiing til eit friluftslivsprosjekt? Ta kontakt med rådgivar Petter Jenset.
Kven kan søke støtte?
- Privatpersonar og private eigarar av kulturminne og kulturmiljø
- Stiftingar og aksjeselskap med ikkje-kommersielt formål
- Foreiningar/organisasjonar/sameige/frivillige
- Kommunar
Formål
Ordninga har som formål å bevare og formidle regionale kulturminne og kulturmiljø av regional verdi, legge til rette for at folk kan drive friluftslivsaktivitetar i nærleiken av der dei bur, og at eksisterande kulturminne, stiar og turvegar blir meir kjent gjennom skilting og merking.
Søknadsfrist
1. april og 1. november
Ordninga opnar for nye søknadar seks veker før søknadsfristen.
Send inn din søknad
Ei presisering om kulturtilskot
Kulturtilskot er ei moglegheit for støtte til gode prosjekt, men ikkje ei garanti. Tildelinga skjer ut frå fastsette retningslinjer, krav og prioriteringar, som er opne og tilgjengelege for alle.
Tilskotsmidlane er avgrensa, og det kjem ofte fleire søknadar enn det er midlar til. Derfor vurderer fylkeskommunen søknadane etter ei heilskapleg skjønnsutøving. Sjølv søknadar som oppfyller alle krava, kan få avslag eller ein lågare sum enn søkt beløp.
For å kunne gi tilskot, må vi ha nok midlar i budsjettet.