Eidsdal og Linge Linge ferjekaier

Grunna bygging av nye ferjekaier har sambandet vore stengt sidan 16. oktober, men blir opna igjen laurdag 4. november. Dette er litt tidlegare enn det som før har blitt annonsert.  

Frå laurdag 4. november vil ferjesambandet Eidsdal - Linge opne, og gå med normal vinterrute. Det vil seie at ferja no vil gå kvar halvtime. Sjå oppdaterte ferjeruter på frammr.no. Første avgang frå Eidsdal er 4. november kl. 10.30.  
Byggeleiar for ferjekaiprosjektet i Møre og Romsdal fylkeskommune, Ole Kristian Remkall, fortel at stenginga opphaveleg skulle vare til 6. november.  

-    Vi er ferdige to dagar før tida, så det er gledeleg å kunne gjenopne Eidsdal – Linge allereie laurdag 4. november, seier han.

Skyssbåttilbodet opphører

Sidan mandag 16. oktober har det gått to ferjer i sambandet Geiranger–Hellesylt og skyssbåt i trekantrute over Norddalsfjorden. Sambandet Geiranger – Hellesylt går også over til normale vinterruter frå laurdag 4. november, og skyssbåttilbodet opphører. Siste tur frå Eidsdal går laurdag 4. november klokka 10.20. Siste tur frå Valldal går klokka 10.00. Sjå oppdaterte rutetider på nettsida til FRAM. 

Bakgrunn for prosjektet 

Det skal byggast nye ferjekaier på Eidsdal og Linge som kan ta imot nye miljøferjer frå 2024. Ferjene får ein kapasitet på 80 personbilar, som blir ei vesentleg auke samanlikna med ferjene som går i sambandet i dag. Prosjektet blir på denne måten eit viktig miljøtiltak samstundes som det vil auke effektiviteten på sambandet. 

Under stengeperioden på Eidsdal–Linge vil det gå to ferjer i sambandet Geiranger–Hellesylt og skyssbåt i trekantrute over Norddalsfjorden.

Møre og Romsdal fylkeskommune varsla i mars i år at den planlagde stenginga av ferjesambandet Eidsdal–Linge vart utsett til oktober. Sambandet vil vere stengt i veke 42, 43 og 44.

På strekninga Eidsdal–Linge skal det byggast nye ferjekaier som kan ta imot nye miljøferjer frå 2024. Ferjene får ein kapasitet på 80 personbilar, som blir ei vesentleg auke samanlikna med ferjene som går i sambandet i dag. Prosjektet blir på denne måten eit viktig miljøtiltak samstundes som det vil auke effektiviteten på sambandet.

Éin stengeperiode

Opphaveleg var det planlagd at bygginga skulle gjennomførast med to stengeperiodar, både i april og i oktober. 

Byggeleiar for ferjekaiprosjektet i Møre og Romsdal fylkeskommune, Ole Kristian Remkall, fortel at prosjektet endra desse planane, mellom anna etter dialog med lokalmiljøet og næringsaktørar.

– Dialogen var nyttig og tydeleggjorde konsekvensane ved å stenge i april, med stor aktivitet og mykje trafikk. Å avgrense det til éin stengeperiode i oktober gjorde konsekvensane noko mindre og dei fekk meir tid til å planlegge, seier han.  

– Vi har sidan jobba med å optimalisere prosjektgjennomføringa slik at vi vil klare bygginga med éin stengeperiode i staden for to. Samstundes har vi jobba med å få på plass eit alternativt trafikktilbod for å redusere ulempene for lokalsamfunnet i dei tre vekene stenginga varer. 

To ferjer Geiranger–Hellesylt

Ordinær transport på vegen til og frå bygdene Norddal, Geiranger og Eidsdal vil å gå via sambandet Geiranger–Hellesylt. Der vil det gå to ferjer under stengeperioden. Prisen for å reise med ferjene vil være den same som den er for ferjesambandet Eidsdal–Linge.

– Ferja som ligg i Geiranger på nattetid vil vere i beredskap i tilfelle ambulanseoppdrag, opplyser Remkall.

Skyssbåt i trekantrute

Som eit tilleggstilbod blir det sett opp skyssbåt til Valldal. Skyssbåten vil gå i ei trekantrute Valldal–Norddal–Eidsdal. Det vil vere gratis å reise med skyssbåten.

Skyssbåten vil anløpe desse stadane: Norddal småbåthavn, Eidsdal sentrum og Valldal Marina.

Endringar i busstidene

Rådgivar for drift i FRAM i fylkeskommunen, Thor Arne Aasebø, opplyser at for at skyssbåten skal korrespondere med bussane og skoleskyssen, blir det gjort endringar i nokre av busstidene.

– Dette gjeld busslinje 211, 217 og 218. Her blir det gjort nokre justeringar i avgangane.

Dette blir endringane i busstidene under stengeperioden:

Linje 211

Avgang kl. 07.25 frå Union Hotell endrast til å starte fem minutt tidlegare frå Geiranger sentrum, det vil seie kl. 07.30.

Avgang kl. 17.15 frå Eidsdal endrast til kl. 17.20.

Linje 217

Avgang kl. 08.00 frå Hatlestad endrast til kl. 07.55.

Linje 218

Avgang kl. 07.40 frå Eidsdal ferjekai endrast til kl. 07.35.
Avgang kl. 08.05 frå Yste Kilsti endrast til kl. 08.00.
Avgang kl. 14.00 frå Eidsdal ferjekai endrast til kl. 13.40 tysdag og torsdag.

– I tillegg må rutetabellen for skyssbåten vere tilpassa reglane for kviletid for mannskapet om bord. Derfor går ikkje båten til og frå Norddal i enkelte tidsrom, seier Aasebø.

Samfunnskritiske oppgåver

Prosjektet har engasjert Norconsult for å kvalitetssikre planlegginga av stengeperioden. Saman med prosjektet har dei samarbeida med naudetatar, Fjord kommune, Stranda kommune og landbruks- og næringsinteresser for å sikre at samfunnskritiske oppgåver skal bli ivaretekne med det trafikktilbodet som er tilgjengeleg under stengeperioden.

Ruteinformasjon

Rutetidene for ferjesambandet Geiranger–Hellesylt, rutetidene til skyssbåten og endringane i busstidene blir også lagt ut i reiseplanleggaren på FRAM si nettside, frammr.no.

Den planlagde stenginga av Eidsdal ferjekai i april i år, blir flytta til oktober. Årsaka til flyttinga er ei totalvurdering av framdrifta i prosjektet og at ei stenging i oktober vil få mindre konsekvensar for lokalmiljøet og næringsaktørar i området. 

Tidlegare har det vore varsla om ei stengeperiode i april for å mellom anna bygge nytt landkar og bytte ferjebru. Det er fleire årsaker til at denne stenginga no blir flytta til oktober (i løpet av veke 42), då det allereie er planlagd ei stengeperiode for å gjere ein større pelejobb.

Utfordrande grunnforhold og mindre konsekvensar for lokalmiljøet

Ei sentral årsak til endringa er at grunnforholda på sjøbotnen er dårlegare enn antatt. Dette fører til usikkerheit om entreprenøren rekk å ferdigstille pågåande arbeid før stengeperioden som var planlagd i april. Samstundes har det vore tett dialog med partar dette vedkjem i området, som har vore tydelege på at stenginga i april vil føre til utfordringar for mellom anna næringsaktørar. 

-Vi har hatt ein gjennomgang med entreprenør om desse forholda, og dei skal greie å gjere operasjonane som var planlagd i april, samstundes med pelinga som dei skal utføre i oktober. Det er avgjerande at dei får gjennomført dette arbeidet i oktober, for å rekke sluttdatoen. Ferjekaiene i Eidsdal og Linge skal vere klare imot nye miljøferjer frå 2024,  seier byggeleiar i Møre og Romsdal fylkeskommune, Ole Kristian Remkall.

Og fortset:

- Det har vore ein nyttig dialog med lokalmiljøet og næringsaktørar undervegs, som har tydeleggjort konsekvensane ved å stenge i ei periode i april, med stor trafikk og mykje aktivitet. Ved å samle stenginga til oktober vil desse konsekvensane vere noko mindre, og dei får meir tid til å planlegge.

Remkall er tydeleg på at prosjektet ønskjer å fortsette den gode dialogen med lokale interessentar for å redusere negative føljer mest mogleg. Dette gjeld mellom anna naudetatar, næringsinteresser og andre.

Kan bli noko lengre stenging

I og med at det blir meir omfattande arbeid som bli utført i oktober, kan det bli noko lengre stengeperiode. Anslaget er på mellom 2-3 veker.

- I stengeperioden i oktober vil det vere pelearbeidet, med ytste del av tilleggskaia, som vil være styrande for varigheita. Vi anslår mellom 2 til 3 veker til dette arbeidet, men vil planlegge for å korte denne perioden ned til et minimum, seier Remkall.

Det vil i tida framover også bli jobba med avbøtande tiltak, som alternative ferjeruter i stengeperioden, og halde god dialog med beredskapsaktørar og andre interessentar, for å få til best mogleg løysingar når ferjekaia blir stengd. 

Bakgrunnen for anleggsarbeidet er at de det skal byggast nye ferjekaier på Eidsdal og Linge som kan ta imot nye miljøferjer frå 2024. Ferjene får ein kapasitet på 80 personbileiningar, som er ei vesentleg forbetring samanlikna med ferjene som går i sambandet i dag, som er 35 personbileiningar. 

Fylkestinget vedtok i desember å gi fylkeskommunedirektøren fullmakt til å signere kontrakt med Christie & Opsahl AS for bygging av ferjekai i Eidsdal i Fjord kommune. Denne er no signert, og arbeidet med indre del av ferjekaia startar opp komande veke.

I 2024 får ferjesambandet Eidsdal-Linge nye, utsleppsfrie miljøferjer med kapasitet på 80 personbileiningar, mot dagens ferjer med kapasitet på 35 personbileiningar. Sambandet er ein del av Nasjonal turistveg Geiranger­–Trollstigen og har stor trafikk i turistsesongen.

Arbeidet med Linge ferjekai vart starta opp i august i fjor, og no er det Eidsdal ferjekai som står for tur. Det er Christie & Opsahl som vann anbodskonkurransane for bygging av begge kaiene.

Startar arbeidet

Fylkeskommunen har igangsetjingsløyve for indre del av ferjekaia på Eidsdal, og det er dette arbeidet som startar opp komande veke. Her vart det i desember sendt ut nabovarsel for oppstart av arbeidet, med forlenga frist på grunn av julehøgtida. Det kom inn éin merknad til nabovarselet. Etter indre del kjem bygging av sjølve kaia.

– Neste veke blir det tilrigging på kaia, før vi startar på arbeidet med ny ferjekaibru og utdjuping av brubåsen, fortel prosjektleiar i Møre og Romsdal fylkeskommune, Hans Rune Paulsen.

Tett dialog

– Det vil bli ein periode med stengt ferjekai etter påske. Arbeidet med planlegging av stengeperiode vil bli utført i tett dialog med naudetatar, næringsinteresser og andre.  Dette vil bli varsla i god tid, og vil skje før sommarruta i sambandet startar opp, seier han.

Fylkestinget vedtok også ny kostnadsramme for prosjektet «Indre Sunnmørspakke del 1: Linge ferjekai og Eidsdal ferjekai» til 297 mill. 2022-kroner. Styringsramma vart sett til 270 mill. 2022-kroner.

Christie & Opsahl AS er tildelt kontrakten for bygging av Eidsdal ferjekai.

Med dette har Christie & Opsahl vunne anbodskonkurransane for bygging av begge ferjekaiene på fylkesferjesambandet Eidsdal-Linge. Kaiene skal stå ferdige til dei nye miljøferjene blir fasa inn frå 1.1.2024.

Arbeidet med Linge ferjekai er allereie i gang.

Kontraktssum eksklusiv time- og maskinprisar for ekstraarbeid er for Eidsdal ferjekai på kr. 69.450.475,25. Oppdraget blei gitt i konkurranse med to andre tilbydarar. Tildelinga gjekk til tilbodet som viste det beste forholdet mellom pris og kvalitet, og tildelinga har ein karensperiode som går fram til 5. oktober.

Må planlegge stengeperiodar

Byggeleiar Ole Kristian Remkall i Møre og Romsdal fylkeskommune seier dei har ein svært kort og pressa gjennomføringsperiode føre:

- Vi må snarast råd i gang med god planlegging av den første av to stengeperiodar for å få ny ferjekai på plass. Det vil i nær framtid bli holda koordinerings- og planleggingsmøte med offentlege etatar. Dette for å ta omsyn til liv/helse, skole samt næringsverksemd og publikum, seier Remkall.

Må løyse to forhold

Før byggestart må også to andre forhold bli løyst:

• Ytterdal Historiske Naustlag har klaga på Fjord kommune si godkjenning av rammesøknad for tiltaket. Klagen er til behandling hos Statsforvaltaren.
• Samferdselsutvalet, og deretter fylkesutvalet skal behandle ny kostnadsramme for Linge og Eidsdal ferjekaier. Fylkeskommunedirektøren tilrår at ramma blir auka med 115 mill. kroner, frå 165 til 280 mill. 2022-kroner. Auka kostnader blir innarbeidd i økonomiplan 2023-2026.

Fylkeskommunedirektøren tar sikte på oppstart før jul av anleggsarbeid for Eidsdal ferjekai.

Dei nye ferjene i sambandet Eidsdal-Linge har ein kapasitet på 80 personbileiningar, mot dagens ferjer med kapasitet på 35 personbileiningar.

Måndag 29. august blir det anleggsstart på den nye ferjekaia på Linge.

Christie & Opsahl AS, som vann anbodskonkurransen, begynner då med å rigge seg til og å gjerde inn området ved ferjekaia.

Sjølv om ferjetrafikken skal gå som normalt mens kaia blir bygd, blir heile området prega av anleggsarbeidet.

- Det vil frå måndag bli redusert framkomme i området, seier byggeleiar Ole Kristian Remkall i Møre og Romsdal fylkeskommune. – På fylkesvegen blir det nedsett fartsgrense i anleggsperioden til 50 km/t. Det blir oppstilling langs fylkesvegen for dei reisande, og ikkje anledning til å parkere på ferjekaia. Heller ikkje rutebussen kan køyre ned på kaia og ta på passasjerar, men bussen vil stoppe oppe ved fylkesvegen, seier han.

For å rettleie dei reisande, som i stor grad er turistar om sommaren, vil det vere trafikkdirigering på ferjekaia inntil trafikken minkar utover hausten.

Møre og Romsdal fylkeskommune skal denne hausten starte bygging av nye ferjekaier både på Linge og i Eidsdal for å ta imot nye, større miljøferjer frå 2024. Dei nye ferjene i sambandet Eidsdal-Linge har ein kapasitet på 80 personbileiningar, mot dagens ferjer med kapasitet på 35 personbileiningar.

Kontrakten inneheld bygging av komplett ny ferjekai ved sida av dagens kai på Linge. Tilleggskaia (piren) blir 75 meter lang, sju meter brei og i hovudsak bygd i betong. Køyrebrua av stål blir 12x18 meter.

Møre og Romsdal fylkeskommune skal bygge ny ferjekai på Linge for å ta imot nye, større miljøferjer frå 2024. Fire entreprenørar har levert tilbod på bygginga.

- Vi er svært godt nøgde med konkurransen om oppdraget. No skal vi kontrollrekne tilboda og gå igjennom dokumentasjonen. Så vi tildeler kontrakten til entreprenøren som tilfredsstiller dokumentasjonskrava og har den lågaste prisen, seier prosjektleiar Hans Rune Paulsen i Møre og Romsdal fylkeskommune.

Tilboda som kom inn

Komplett ny kai 

Dei nye ferjene i sambandet Eidsdal-Linge har ein kapasitet på 80 personbileiningar, mot dagens ferjer med kapasitet på 35 personbileiningar. Det krev større ferjekaier. Kontrakten inneheld bygging av komplett ny ferjekai ved sida av dagens kai på Linge. Tilleggskaia (piren) blir 75 meter lang, sju meter brei og i hovudsak bygd i betong. Køyrebrua av stål blir 12x18 meter. 

Trafikkavvikling

Ferjesambandet Eidsdal-Linge er ein del av Nasjonal turistveg Geiranger-Trollstigen og har stor trafikk i turistsesongen. Det er ein føresetnad i kontrakten at bygginga ikkje kan føre til planlagde innstillingar av ferjene i juni, juli og august.

Byggestart i haust på begge kaier

Møre og Romsdal fylkeskommune planlegg byggestart på Linge tidleg i haust. Bygging av ny ferjekai i Eidsdal er også lyst ut i marknaden og fristen for å levere tilbod er 12. august. Også i Eidsdal er det planlagt byggestart i haust.

- I Eidsdal blir det større utfordringar med trafikkavviklinga, sidan vi skal jobbe med dagens kai. Vi skal strekke oss for å redusere konsekvensane så godt det lar seg gjere, og så langt som mogleg gjere det føreseieleg for trafikantane i sambandet i byggeperioden, seier prosjektleiaren.

Møre og Romsdal fylkeskommune  skal bygge ny og større ferjekai i Eidsdal i Fjord kommune. Tilbydarane har frist til 12. august med å levere tilbod. 

I 2024 får ferjesambandet Eidsdal-Linge nye, utsleppsfrie ferjer med kapasitet på 80 personbileiningar, mot dagens ferjer med kapasitet på 35 personbileiningar. Det krev større ferjekaier. 

Kontrakten

Kontrakten inneheld bygging av komplett, ny ferjekai og tilrettelegging for elektrifisering. Den nye tilleggskaia (piren) blir 60 meter lang og ferjekaibrua ni meter brei.
Fylkeskommunen har komplett ferjekaibru med heistårn og pelar med komponentar som høyrer til liggande på lager. Dette er føresett brukt i kontraktsarbeidet. 

Skjermar sommartrafikken

Prosjektet skal i hovudsak gjennomførast utan hindringar for trafikken. Unntaket er under peling for tterste del av tilleggskai og når utdjuping av båsen og utskifting av ferjekaibrua skal skje. Planlagte innstillingar skal ikkje skje i sommarsesongen. 

Slik blir konkurransen

Kontrakten blir tildelt entreprenøren som leverer tilbodet med best forhald mellom pris og kvalitet. Kvaliteten blir vurdert ut frå gjennomføringsplanane, organisering og nøkkelpersonell. Tilboda kan få ein meirverdi på inntil ti millionar kroner, som entreprenøren får i fråtrekk på pristilbodet sitt. Det er denne prisen som blir gjeldande i den endelege evalueringa. Pristilboda blir først opna når kvaliteten på tilboda er ferdig vurdert. 

Linge ferjekai er lyst ut i eigen kontrakt. Bygginga på begge kaiene er planlagt starta til hausten. 

Møre og Romsdal fylkeskommune skal bygge ny ferjekai, tilpassa større miljøferjer, på Linge i Fjord kommune. Tilbydarar har frist til 17. juni med å levere tilbod. 

I 2024 får ferjesambandet Eidsdal-Linge nye utsleppsfrie ferjer med kapasitet på 80 personbileiningar, mot dagens ferjer med kapasitet på 35 personbileiningar. Det krev større ferjekaier.

Komplett ny kai på Linge

Kontrakten inneheld bygging av komplett ny ferjekai ved sida av dagens kai på Linge. Tilleggskaia (piren) blir 75 meter lang, sju meter brei og i hovudsak bygd i betong. Køyrebrua av stål blir 12x18 meter. 

Trafikkavvikling

Ferjesambandet Eidsdal-Linge er ein del av Nasjonal turistveg Geiranger-Trollstigen og har stor trafikk i turistsesongen. Det er ein føresetnad i kontrakten at bygginga ikkje kan føre til planlagde innstillingar av ferjene i juni, juli og august.

Eidsdal

Oppgraderinga av Eidsdal ferjekai blir også lyst ut i marknaden før sommaren, i eigen kontrakt. Her blir det tatt utgangspunkt i eksisterande kai, og prosjektet inneheld nytt landkar, ei ny ferjekaibru på 9x22 meter, nytt heissystem og ny tilleggskai. 

- Her blir det større utfordringar med trafikkavviklinga, sidan vi skal jobbe med dagens kai. Vi skal strekke oss for å redusere konsekvensane så godt det lar seg gjere, og så langt som mogleg gjere det føreseieleg for trafikantane i sambandet i byggeperioden, seier prosjektleiar Hans Rune Paulsen i Møre og Romsdal fylkeskommune.

Byggestart til hausten

Det blir gjennomført synfaring på Linge for interesserte entreprenørar måndag 23. mai kl. 12. Fristen for å levere tilbod er 17. juni og kontrakten blir tildelt tilbydaren som tilfredsstillar krava i kontrakten og har lågast pris. Møre og Romsdal fylkeskommune planlegg byggestart på Linge tidleg i haust.  
 

Møre og Romsdal fylkeskommune treng betre plass på oppstillingsplassen til Linge ferjekai. Parkeringsplassen langs fylkesvegen blir fjerna for å få større areal for ferjekaiområdet. I samband med sprengingsarbeid blir alle parkeringsplassane fjerna i ein periode.

Parkeringsplassane blir stengt og arbeidet startar måndag 11. april. 

Ingen parkering fram til mai

Det blir tilrettelagt for parkering nede ved ferjekaia når gravearbeida er ferdig, men fram til mai vil det ikkje vere parkeringsplassar på Linge ferjekai. Utvidinga av arealet krev sprenging, som gjer at det av omsyn til tryggleiken heller ikkje kan stå bilar parkert nede på ferjekaiområdet. Ferjekøa blir flytta opp på vegen og organisert av dirigentar når det blir sprengt.

Bygger ny kai

Før sommaren skal bygging av ny ferjekai på Linge etter planen lysast ut i marknaden. Kaia skal stå klar til å ta imot dei nye miljøferjene i sambandet frå 2024. Når bygginga startar, må entreprenøren ha riggområde på kaia samtidig som trafikken skal gå mest mogleg som før.

- Derfor treng vi å utvide arealet så mykje som det er mogleg å få til og vi må gjere det no slik at arealet er klart før sommartrafikken startar og entreprenøren som vinn konkurransen etter kvart skal starte med bygging av ny kai, fortel byggeleiar Ole Kristian Remkall i Møre og Romsdal fylkeskommune.

Skal regulere landarealet

Trafikkavviklinga og utvikling av ferjekaiarealet på Linge er utfordrande, og det må mellom anna utarbeidast ein ny reguleringsplan for området før det er mogleg å gjere større endringar. I Møre og Romsdal fylkeskommune sitt plan- og byggeprogram er det føresett oppstart av regulering i 2023 og planlagt vedtak i kommunen i 2025. Det er ikkje sett av midlar til utbetring av området i gjeldande økonomiplan.
 

Møre og Romsdal fylkeskommune har stoppa arbeida på Eidsdal ferjekai. No blir alt arbeid på kaia samla og lyst ut i ein kontrakt. Den nye kaia skal stå ferdig til dei nye, større miljøferjene blir sett inn i sambandet i 2024, som planlagt.

Arbeida på Eidsdal ferjekai vart starta gjennom bruk av ein allereie inngått vedlikehaldskontrakt for ferjekaier i heile Møre og Romsdal, slik at utbetringa kom raskt i gang. 

Krev ny kontrakt

- Gjennom arbeidet som er gjort, har vi funne ut at grunnforholda er langt dårlegare enn det som var føresett. Omfanget blir større enn vedlikehaldskontrakten tillét og om vi hadde fortsett arbeidet hadde vi brote regelverket for offentlege anskaffingar. Difor må vi stoppe og lyse ut i eigen kontrakt, fortel fylkesvegsjef Ole Jan Tønnesen i Møre og Romsdal fylkeskommune.

Grunnforholda har konsekvensar for gjennomføringa av prosjektet, men fører ikkje til konsekvensar for ferjetrafikken eller tryggleiken i sambandet. 

Viktig kunnskap

Arbeidet som allereie er gjort er av stor verdi for den vidare prosessen. Mellom anna er ny ferjekaibru og heisetårn sett i produksjon og pelar, spunt og armering kjøpt inn. Dette blir stilt til disposisjon for entreprenøren som skal gjennomføre den nye kontrakten.

- Når vi jobbar med utgangspunkt i ein eksisterande konstruksjon, er det mykje informasjon vi ikkje får før vi er i gang. Det går an å samanlikne det med å renovere ein gamal bygning. Det vil dukke opp uføresette utfordringar sjølv med gode planer. Kunnskapen vi har fått no er viktig for planlegginga av det vidare arbeidet, seier fylkesvegsjefen.

Framdrift

Møre og Romsdal fylkeskommune startar no den tekniske planlegginga for å førebu utlysinga av kontrakten for ny ferjekai på Eidsdal, med mål om at det skal skje før sommaren 2022.  Større omfang på arbeidet vil gi behov for auka bevilling, samstundes som det er ein stor kostnadsauke i heile anleggsbransjen som også påverkar prosjekta i Møre og Romsdal. Det blir førebudd ei sak til politisk behandling når detaljplanlegginga nærmar seg ferdig og det er mogleg å gjennomføre eit nytt kostnadsanslag. 

Møre og Romsdal fylkeskommune startar arbeidet på Eidsdal ferjekai i slutten av november og inviterer alle interesserte til informasjonsmøte om gjennomføringa 9. november. Planane for ny ferjekai på Linge blir også presentert. 

Kaiene skal vere klare til å ta imot ny nullutsleppsferje med kapasitet på 80 personbileiningar frå 1. januar 2024.

Møre og Romsdal fylkeskommune vil orientere om prosjektet, som er delt i fleire delar:

• Del 1 startar i Eidsdal i slutten av november. Brubåsen (arealet der ferja ligg til kai) skal djupast ut og botnen blir erosjonssikra. Brua på ferjekaia blir skifta ut. På møtet blir det informert om tidsplanen for arbeidet og konsekvensar for naboar og trafikantane. 
• Del 2 startar i 2022 og inneheld bygging av ny tilleggskai (pir) på Eidsdal og komplett ny kai på Linge. 

Møtet blir halde i gymsalen på Eidsdal skule tysdag 9. november klokka 20.00. Vel møtt!