FV.60 Nye Juvbrua

Møre og Romsdal fylkeskommune varslar med dette om utviding av planområdet for arbeidet med reguleringsplan fv.60 Nye Juvbrua, jf. plan- og bygningsloven § 12-8.

Oppstart av planarbeidet blei varsla i 16. februar 2023. Planarbeidet skjer i samarbeid med Sykkylven kommune, og vert utført som ei detaljregulering, etter plan- og bygningslova §§ 12-3 og 3-7.

Hensikta med planarbeidet er å legge til rette for ny bru over Juene og utretting av kurvar til og frå Juvbrua.  I samband med detaljering av planen har ein valt ei løysning, der ein rettar ut ein større del av veglina enn kva som var tenkt opprinneleg. Dette gjer at ein hamnar utanfor tidlegare planavgrensing. Det er derfor behov for å utvide varsla planområde for å sikre tilstrekkeleg areal til gjennomføring av nødvendige tiltak.

Utvidinga ser slik ut. jf. vedlagt kart under. Tidlegare varsla planområde vert vist i svart stipla line og nye grenser vert vist med blå heiltrekt line.

Klikk her for å gå til det digitale kartet.

Dine innspel

Har du innspel, kommentarar eller nyttig informasjon i forbindelse med utviding av planområdet, ønsker vi skriftleg tilbakemelding innan 13.03.2024.

Dette kan sendast til:

Julsundvegen 9, 6412 Molde, eller post@mrfylke.no

NB: Merk brevet eller e-posten med saksnummer: 23/51648 

Møre og Romsdal fylkeskommune vil, i samarbeid med Multiconsult AS, gjennomføre grunnundersøkingar knytt til arbeidet med reguleringsplan for ny bru over Juene, på fylkesveg 60 i Sykkylven kommune.

- Formålet med reguleringsplanen er å erstatte dagens bru med ei ny og trafikksikker bru. I reguleringsarbeidet blir det planlagt ny bru, og utbetring av vegstrekninga før og etter den nye brua. Vegen blir breiare (to felt med gul midtstripe) og kurvar blir retta ut, seier planprosjektleiar i fylkesvegavdelinga i Møre og Romsdal fylkeskommune, Mads W. Brevik.

Manuell dirigering

Arbeidet er planlagt tidleg i veke 26 (mellom 26. og 30. Juni) Det vil bli manuell dirigering av trafikk i nokre av desse dagane mens arbeidet går føre seg.

Møre og Romsdal fylkeskommune vil i samarbeid med Sykkylven kommune utarbeide detaljreguleringsplan for ny bru nedstrøms for den eksisterande fylkesvegbrua over Juene.

Formålet med plana er å erstatte dagens bru med ei ny og trafikksikker bru. Vegeigar har ønskje om å rive eksisterande bru etter at ny bru er etablert.  

Fristen for innspel er 20.03.2022.