Fv. 63 Korsmyra-Indreeide

Merete Løvoll Rønneberg fekk æra av å fyre av gjennomsslagssalva i skredsikringstunellen til Geiranger 8. juni 2022.

Rønneberg er forfattar av fleire turbøker for Sunnmøre og er også formidlingsleiar for Geirangerfjorden verdsarv, og fekk god hjelp frå bas Nils Åge Tenold i Kruse Smith Anlegg AS til å utføre oppdraget.

Fylkesveg 63 mellom Eidsdal og Geiranger er einaste tilkomstveg til Geiranger om vinteren, og er ofte stengt på grunn av snøskred eller fare for snøskred. Den 4,8 km lange tunnelen vil sikre 13 skredpunkt mellom Korsmyra og Indreeide og gi ein tryggare vinterveg med færre stengingar for trafikantane.

Gjennomslag er ein viktig milepåle i prosjektet. Sjølv om anleggsarbeidarane no er igjennom fjellet, så står likevel omlag halvparten av jobben igjen. Det skal sikrast mot vatn og frost, byggast veg frå botn og eit omfattande elektroarbeid skal gjennomførast før ein topp moderne tunnel etter planen blir opna for trafikk i 2023. I tillegg til tunnelen, inneheld prosjektet også 400 meter veg i dagen, ei 25 meter lang bru og ein 135 meter lang ledevoll for skred på Indreeide. 

Hotell Union Geiranger sin administrerande direktør Monja Mjelva var vikarierande sprengingsbas da første salva på skredsikringstunnelen på fv. 63 mellom Korsmyra og Indreeide blei sprengt 11. november.

Den 4,8 km lange tunnelen skal sikre 13 skredpunkt på strekninga, som kvar vinter er stengt på grunn av skredfare eller snøskred. Møre og Romsdal fylkeskommune har inngått kontrakt med Kruse Smith AS/Volda Maskin AS om bygginga, som skal vere ferdig hausten 2023.

- Vi er veldig glad for at vi nå kan starte bygginga av denne tunnelen. Det vil gi ein tryggare og meir føreseieleg veg for dei som bur og driv næring i Geiranger. Dei mest krevjande vintrane dei siste ti åra har vegen vært stengt rundt 300 timar i løpet av ein vintersesong. Det er 12,5 døgn med ferje tre gonger om dagen som einaste veg ut og inn av bygda. Det vil bli betre når tunnelen opnar, sa fylkesordførar Tove-Lise Torve, som var til stades på markeringa.

Også leiar i samferdselsutvalet, Kristin Sørheim trakk fram kor viktig ein trygg veg er for at folk kan bu, drive næring og vidareutvikle Geiranger i sin tale på anleggsområdet på Indreeide.

Dei førebuande arbeida til tunnelen vart gjennomført i 2019 av Lesja Bulldozerlag AS. Skredsikringsprosjektet mellom Korsmyra i Stranda og Indreeide i Fjord har ei kostnadsramme på 840 millionar kroner. 

Møre og Romsdal fylkeskommune har innstilt arbeidsfellesskapet Kruse Smith Entreprenør AS/Volda Maskin AS til kontrakten på bygginga av skredsikringstunnel på fv. 63 mellom Eidsdal og Geiranger.

Sju entreprenørar hadde levert tilbod på oppdraget, som er ei totalentreprise som inneheld prosjektering og bygging av:

• 4,8 km tunnel og 100 meter tunnelportalar
• Komplett elektroarbeid for prosjektet
• 400 meter veg i dagen med tilkopling på eksisterande vegnett
• Ei 25 meter lang bru
• Ein 135 meter lang ledevoll for skred på Indreeide
   

Begge forskjeringane blei sprengt og gjort klare i 2019 i ein førebuande kontrakt.

Best pris og kvalitet

Kontrakten er tildelt entreprenøren som har levert tilbodet med best forhold mellom pris og kvalitet. Kvaliteten blir vurdert ut frå gjennomføringsplanen, entreprenøren si organisering og nøkkelpersonell. 

Vurderinga og verdisettinga av kvaliteten på tilboda blei gjort før prisane blir opna. Kontrakten er tildelt entreprenøren med lågaste vekta sum (pristilbod minus verdi på kvalitet), men kontraktssummen er prisen i tilbodet som er levert.

- Vi er svært godt nøgde med konkurransen om oppdraget og at vi kan innstille entreprenøren som vi meiner hadde best kvalitet på tilbodet og som også har lågast pris, seier prosjektleiar Arne Ola Stavseng i Møre og Romsdal fylkeskommune. 

Tilbydarane har ti dagars klagefrist på innstillinga. Tilboda skal også leggast fram for politikarane før ein kan skrive kontrakt.

Sikrar 13 skredpunkt

Fv. 63 er einaste tilkomstveg for Geiranger om vinteren. Når prosjektet er ferdig blir det tryggare for trafikantane og færre stengingar av vegen på grunn av skred eller fare for skred. Skredsikringsprosjektet sikrar 13 registrerte skredpunkt. Årsdøgntrafikken er i 630 køyretøy i gjennomsnitt, men varierer frå 1500 køyretøy i døgnet i sommarsesongen til 200 køyretøy i døgnet om vinteren.

Byggestarten er planlagt i haust og tunnelen skal etter planen opne for trafikk hausten 2023.

Møre og Romsdal fylkeskommune har fått sju tilbod på skredsikringstunnelen mellom Eidsdal og Geiranger.

Kontrakten blir tildelt entreprenøren som leverer tilbodet med best forhold mellom pris og kvalitet. Kvaliteten blir vurdert ut frå gjennomføringsplanen, entreprenøren si organisering og nøkkelpersonell.

Desse har levert tilbod:

• Veidekke Entreprenør AS
• Skanska Norge AS
• NCC Norge AS
• Metrostav Norge AS
• Leonhard Nilsen & Sønner AS
• Kruse Smith Entreprenør AS
• Bertelsen og Garpestad AS

- Det er veldig god konkurranse om kontrakten. No startar vi å gå igjennom tilboda slik at vi kan vurdere kven av tilbydarane som har levert det beste tilbodet ut frå kriteria våre, seier prosjektleiar Arne Ola Stavseng i Møre og Romsdal fylkeskommune.

Kontrakten er ei totalentreprise som inneheld prosjektering og bygging av:

• 4,8 km tunnel og 100 meter tunnelportalar
• Komplett elektroarbeid for prosjektet
• 400 meter veg i dagen med tilkopling på eksisterande vegnett
• Ei 25 meter lang bru
• Ein 135 meter lang ledevoll for skred på Indreeide

Begge forskjeringane blei sprengt og gjort klare i 2019 i ein førebuande kontrakt.

Sikrar 13 skredpunkt

Fv. 63 er einaste tilkomstveg for Geiranger om vinteren. Når prosjektet er ferdig blir det tryggare for trafikantane og færre stengingar av vegen på grunn av skred eller fare for skred. Skredsikringsprosjektet sikrar 13 registrerte skredpunkt. Årsdøgntrafikken er i 630 køyretøy i gjennomsnitt, men varierer frå 1500 køyretøy i døgnet i sommarsesongen til 200 køyretøy i døgnet om vinteren.

Møre og Romsdal fylkeskommune tek sikte på å tildele kontrakten i begynnelsen av september måned. Byggestarten er planlagt i haust og tunnelen skal etter planen opne for trafikk hausten 2023.

Kontrakten er ei totalentreprise som inneheld prosjektering og bygging av:
•    4,8 km tunnel og 100 meter tunnelportalar.
•    Komplett elektroarbeid for prosjektet.
•    400 meter veg i dagen med tilkopling på eksisterande vegnett.
•    Ei 25 meter lang bru.
•    Ein 135 meter lang ledevoll for skred på Indreeide.

Begge forskjeringane blei sprengt og gjort klare i 2019 i ein førebuande kontrakt.

Sikrar 13 skredpunkt

Fv. 63 er einaste tilkomstveg for Geiranger om vinteren. Når prosjektet er ferdig blir det tryggare for trafikantane og færre stengingar av vegen på grunn av skred eller fare for skred. Skredsikringsprosjektet sikrar 13 registrerte skredpunkt. Årsdøgntrafikken er i 630 køyretøy i gjennomsnitt, men varierer frå 1500 køyretøy i døgnet i sommarsesongen til 200 køyretøy i døgnet om vinteren. 

Har tatt korona inn i kontrakten

Koronasituasjonen har kome under arbeidet med kontrakten og har ført til at det har vore naudsynt å gjere endringar i konkurransegrunnlaget.

- Korona skapar usikkerheit både for entreprenørane som skal gi tilbod på jobben og for oss som byggherre. Det gjeld både for tilgang på råvarer, store svingingar i valuta og prisar og tilgang på arbeidskraft. Vi har tilpassa kontrakten den nye situasjonen så langt det lar seg gjere, seier prosjektleiar Arne Ola Stavseng i Møre og Romsdal fylkeskommune.

Ferdig i 2023

Prosjektet er anslått til å ha ein verdi på 840 millionar kroner.

Kontrakten blir tildelt entreprenøren som leverer tilbodet med best forhold mellom pris og kvalitet. Kvaliteten blir vurdert ut frå gjennomføringsplanen, entreprenøren si organisering og nøkkelpersonell.  

Byggestarten er planlagt til hausten og prosjektet skal etter planen opne for trafikk hausten 2023.
 

Kontrakten inneheld fjerning av lausmassar og sprenging for startpunkt til tunnelen og er førebuande arbeid for ein tryggare veg til Geiranger.

Det er Møre og Romsdal fylkeskommune som er oppdragsgivar. Om Fylkestinget ikkje vedtek finansiering i desember vert konkurransen avlyst. Arbeidet i denne kontrakten skal vere ferdig hausten 2019.

Fylkesveg 63 er einaste tilkomstveg til Geiranger om vinteren og er ofte stengt på grunn av snøskred eller fare for snøskred. Den planlagde vintertunnelen er 4,8 kilometer lang og gjer strekninga mellom Korsmyra og Indreeide trygg for skred.

Tunnelen er det høgast prioriterte rassikringsprosjektet på fylkesvegane i Møre og Romsdal. Bygginga av sjølve tunnelen er planlagt frå hausten 2019 med ferdigstilling hausten 2022.

For å sikre fylkesveg 63 nord Høgsetelva er det nødvendig å legge ei støttefylling opp under fylkesvegen. Denne vil komme litt utanfor planområdet som tidlegare er varsla om for masselageret på Øye. Vi ber om merknader til utvidinga innan 20. januar 2019.

Vi viser til varsel 29.05.2018 om oppstart av planarbeid for masselager/deponi på Øye i Eidsdal, Norddal kommune. På vegne av Møre og Romsdal fylkeskommune varslar Statens vegvesen Region midt om at planområdet blir utvida.

Bakgrunnen for utvidinga er at det er meldt behov for å sikre fylkesvegen mot å skli ut like nord for Høgsetelva/Rønnebergjuvet. Det beste tiltaket vurdert ut i frå tekniske forhold og kostnader vil vere å legge opp ei støttefylling i samband med etablering av det planlagde masselageret.

Mot Høgsetelva vil fyllingsfoten etter det vi kan sjå så langt ikkje komme lenger sør enn elvekanten. Hovudløpet vil ikkje bli flytta. Fyllingsfoten må sikrast mot flaum langs Høgsetelva. Mot Eidsdalselva vil fyllinga bli avslutta på elvesletta i god avstand til elva. Mot nord og til dels aust vil det vere noko rom for å gi fyllinga ei meir tilpassa utforming. Fyllinga vil bli dekt med jord og gro att med skog.

Høyringsbrev og kart med planområdet finn du under Last ned nedanfor.

Frist for å komme med merknader til varselet er sett til 20. januar 2019.
Send merknader til firmapost-midt@vegvesen.no.

Spørsmål til planarbeidet kan rettast til:

Planleggingsleiar Bjarne Otnes, tlf. 915 96 745, e-post bjarne.otnes@vegvesen.no, eller

Prosjektleiar Arne Ola Stavseng, tlf. 901 34 713, e-post arne.stavseng@vegvesen.no.

Det var Lesja Bulldozerlag AS som hadde den lågaste prisen, og som no skal i gang med å fjerne lausmassar og lage forskjeringane til tunnelen mellom Indreeide og Korsmyra

Det er 13 registrerte snøskredpunkt på strekninga mellom Indreeide i Norddal kommune og Korsmyra i Stranda kommune. I dette prosjektet skal det byggast ein 4,8 km lang fjelltunnel som vil sikre denne delen av fylkesveg 63 mot snøskred.

Statens vegvesen, som bygger tunnelen på oppdrag frå Møre og Romsdal fylkeskommune, har signert kontrakt med Lesja Bulldozerlag AS på første del av prosjektet. Entreprenøren har fått i oppdrag å gjere klar tunnelinnslaga.

-  Kontrakten med Lesja Bulldozerlag er på 12,7 millionar kroner pluss meirverdiavgift. Dette arbeidet skal utførast i år, med oppstart i månadskiftet januar/februar, seier prosjektleiar Arne Ola Stavseng.

Tunnelbygginga vil etter planen starte denne hausten, med ferdigstilling hausten 2022

Dei komande månadane må pendlarar og andre trafikantar rekne med å bruke ekstra tid på strekninga mellom Korsmyra og Indreeide.

Entreprenøren Lesja Bulldozerlag AS starta denne veka på arbeidet med forskjeringane til fjelltunnelen mellom Indreeide og Korsmyra. Dette arbeidet skal etter planen vere ferdig til hausten i 2019.

I anleggstida vil det bli nødvendig å stenge fylkesveg 63 i kortare periodar.

- På grunn av sprengingsarbeid må trafikantar rekne med eit opphald på inntil fem minutt. Derfor oppmodar vi dei som skal rekke ferga frå Eidsdal om berekne ekstra god tid frå Geiranger, seier prosjektleiar Arne Ola Stavseng i Statens vegvesen.

Det vil pågå arbeid på Korsmyra og Indreeide fire dagar i veka, frå måndag til og med torsdag.