Fv. 64 rundkøyring Holamyra

Frå august har det vore omkøyring på fylkesveg 64 i Malmefjorden der ny rundkøyring er under bygging. Rundkøyringa opnar for trafikk tirsdag morgon 9. desember.  

I Malmefjorden i Hustadvika kommune kjem det ei trearma rundkøyring som erstattar dagens kryss. Denne omfatter den gjennomgåande fylkesvegen, og avkøyringa til Holamyra næringsområde. Trafikktryggingstiltak for gåande og syklande inngår også i prosjektet. 

Solgunn Langlo er prosjektleiar i Møre og Romsdal fylkeskommune. Ho er glad for at trafikken no kan begynne å gå gjennom rundkøyringa.  

-    Dette vil gi betre trafikkflyt på staden. Strekninga er også skoleveg for eit stort boligområde, og vi gjer omfattande tiltak for mjuke trafikantar.  

Det kjem nye gang- og sykkelvegar aust og vest for rundkøyringa, og langs Tømmervegen. Dei opnar same dato som rundkøyringa, bortsett frå vestsida som etter planen vil bli klar litt seinare i desember. 

-    Ferdigstillinga på vestsida er avhengig av veret. Dersom det kjem mykje snø før jul må den mellombelse løysinga for gåande og syklande halde fram gjennom vinteren, seier Langlo.  

Sjølv om det settast trafikk på rundkøyringa er ikkje arbeidet ferdig. Det vil framleis vere aktivitet utover vinteren og våren.  
 

Ny rundkøyring er på plass, noko som skal feirast med bollar og brus til alle. Frå no av blir det ein tryggare kvardag langs fylkesvegen i Malmefjorden i Hustadvika kommune.  

Malmefjorden har fått ei trearma rundkøyring som omfattar den gjennomgåande fylkesvegen, og avkøyring til Holamyra næringsområde.  

Opningsmarkering  

Torsdag 15. mai kl. 11.00 inviterer Møre og Romsdal fylkeskommune til offisiell opning. Solgunn Langlo har vore prosjektleiar, og fortel at fylkeskommunen er glade for å kunne bidra til ein tryggare kvardag for alle som ferdast langs fylkesvegen.  

Rundkøyringa har vore etterlengta i lang tid.  Vi markerer opninga med bollar, brus og kaffe ved Kiwi, seier ho.

Ordførar i Hustadvika kommune, Nils Christian Harnes, vil stå for den offisielle snorklippinga under arrangementet. Til stades blir også Torgeir Dahl frå samferdselsutvalet i Møre og Romsdal fylkeskommune, saman med representantar frå fylkesvegavdelinga.  

Det er stor trafikk i området, og etablering av rundkøyring har gitt betre trafikkflyt. Det er også etablert nye gangvegar for å betre tryggleiken til gåande og syklande. Odd Småge AS har vore entreprenør på prosjektet som no får si offisielle opning.