Fv. 64 Sølsnes og Åfarnes ferjekaier

Førre veke fekk Sølsnes ferjekai nytt kaihus – no er det kaihuset på Åfarnes ferjekai som står for tur. Arbeidet med dette gjer at ferjesambandet blir kortvarig stengd natt til 1. desember.

Slik blir avgangane i ferjesambandet natt til 1. desember:

• Siste avgang frå Sølsnes blir klokka 23.40.
• Siste avgang frå Åfarnes blir klokka 00.00.

Etter desse avgangane blir ferjesambandet heilt stengd om natta. Ferja blir liggande på Sølsnes.

Når ferjesambandet opnar igjen om morgonen den 1. desember, blir dei første avgangane slik:

• Første avgang frå Sølsnes blir klokka 05.50.
• Første avgang frå Åfarnes blir klokka 06.10.

Detter vil ferjesambandet gå som normalt.

Omkøyring

Anbefalt omkøyring når ferjesambandet er stengt, er E39 Molde–Vestnes.

Sølsnes ferjekai skal få nytt kaihus. Arbeidet med dette gjer at ferjesambandet blir kortvarig stengd natt til 24. november.

Slik blir avgangane i ferjesambandet natt til 24. november:

• Siste avgang frå Åfarnes blir klokka 00:00
• Siste avgang frå Sølsnes blir klokka 00:20

Etter desse avgangane blir ferjesambandet heilt stengd om natta. Ferja blir liggande på Åfarnes.

Om morgonen 24. november blir dei første avgangane i sambandet slik:

• Første avgang frå Åfarnes klokka 06:10
• Første avgang frå Sølsnes klokka 06:30

Deretter vil ferjesambandet gå som normalt.

Omkøyring

Anbefalt omkøyring når ferjesambandet er stengt, er E39 Molde–Vestnes. På grunn av meldingar om krevjande vêrforhold om kvelden/natt til 24. november, er det ikkje anbefalt å køyre fv. 660 Vistdalsheia, spesielt for tungtransport.

Arbeid på Åfarnes ferjekai

Det er planlagd at kaihuset på Åfarnes skal skiftast ut natt til 1. desember. Informasjon om klokkeslett for stenging vil bli sendt ut i starten av veke 48.

Kontakt

Ferjesambandet Sølsnes-Åfarnes blir nattestengt frå 6-7. juli. I samband med grunnarbeid og montering av fender på Sølsnes ferjekai, er det nødvendig med ein lengre, samanhengande arbeidsperiode. 

Ferjene blir difor innstilt frå onsdag 6. juli kl. 22.20 til torsdag 7. juli kl. 06.10. Siste avgang frå Åfarnes kl. 22.00 og frå Sølsnes kl. 22.20. Første avgang frå Sølsnes kl. 06.30 og frå Åfarnes er kl. 06.10. 

Endringar i bussrutene

Rute 420 frå Åndalsnes stasjon kl. 21. 55 køyrer berre til Åfarnes ferjekai. Her må passasjerar som skal vidare mot Molde gå om bord i ferja på eigen hand, og gå om bord i ny buss på Sølsnes ferjekai.

Omkøyring

Anbefalt omkøyring når ferjesambandet er stengt, er E39 Molde-Vestnes. Det er også mogleg å køyre fv. 660 over Vistdalsheia.

Utbetringa av ferjekaia på Åfarnes har starta. I samband med grunnarbeid og montering av fendrar der ferja legg til kai, er det nødvendig med ein lengre, samanhengande arbeidsperiode. 

Ferjene blir difor innstilt frå måndag 23. mai kl. 22 til tysdag 24. mai kl. 05.50. Siste avgang frå Sølsnes er kl. 21.40 og frå Åfarnes kl. 22.00. Første avgang frå Sølsnes er kl. 05.50 og frå Åfarnes kl. 06.10.

Endringar i bussrutene

• Rute 420, med avgang frå Øran øst kl. 19.45 køyrer til Åfarnes ferjekai. Her må passasjerar som skal vidare mot Molde gå om bord i ferja på eigen hand, og gå om bord i ny buss på Sølsnes ferjekai. 
• Rute 420 frå Molde trafikkterminal kl. 21.50 køyrer berre til Sølsnes ferjekai.
• Rute 420 frå Åndalsnes stasjon kl. 21. 55 køyrer berre til Åfarnes ferjekai. 

Anbefalt omkøyring når ferjesambandet er stengt, er E39 Molde-Vestnes. Det er også mogleg å køyre fv. 660 over Vistdalsheia.

Denne veka er det oppstart på arbeidet med å bygge nye ferjekaier på Sølsnes og Åfarnes.

Anleggsarbeidet skal skje samtidig som ferjene trafikkerer sambandet.

Dykkarar vil jobbe frå lekter/flåte, og dei startar på Åfarnes. Ved mykje vind på Åfarnes, kan det være aktuelt at dei flyttar seg over til Sølsnes og utfører arbeid der i staden.

Dykkararbeidet vil halde på ut mai månad, og vil skje på kvardagar mellom klokka 17 og 01 og i helgene frå klokka 22 til 06.

Arbeidet skal i første omgang ikkje ha store konsekvensar for dei reisande, men det kan bli kansellering av enkeltavgangar på natt når trafikken er som minst. Eventuelle kanselleringar vil bli varsla gjennom Fjord1 si SMS-varsling.

Det er entreprenør Christie & Opsahl AS som skal bygge ferjekaiene for Møre og Romsdal fylkeskommune. Selskapet blei tildelt anbodet etter ein tilbodssum på ca. 157 mill. kr. eks. mva.

Ferjesambandet Sølsnes-Åfarnes er det tredje største fylkesvegsambandet i Møre og Romsdal og er svært viktig for trafikken mellom Nordmøre og Romsdal og Austlandet. Kaiene skal tilpassast dei nye nullutsleppsferjene med nye tilleggskaier (pirar), som skal stå ferdige til 2024.

Møre og Romsdal fylkeskommune har tildelt Christie & Opsahl AS kontrakten om bygging av nye tilleggskaier på Sølsnes og Åfarnes. 

På grunn av ein ti dagars karensperiode, blir kontrakten signert tidlegast 15. mars. Så startar ein samhandlingsperiode der partane går igjennom detaljane i kontrakten og planane for gjennomføring. Sjølve arbeidet på kaiene vil truleg starte mot slutten av mars.

Skal utgreie liggekai på Sølsnes

Fylkesutvalet behandla saka 28. februar 2022 og i vedtaket ber utvalet om at fylkeskommunedirektøren inngår kontrakt på bygginga, sjølv om tilbodssummen på ca. 157 mill. kr eks. mva var vesentleg over byggherreoverslaget. Alternative løysingar for liggekai på Sølsnes og toalett skal utgreiast og leggast fram for vedtak i neste rullering av budsjett- og økonomiplan.

Informasjon til naboar

Det blir halde informasjonsmøte for naboane før bygginga startar. 

- I byggeperioden vil naboane merke aktiviteten vår. Derfor er det viktig for oss med god dialog, at dei veit kva dei kan forvente og korleis vi planlegg arbeidet slik at dei negative konsekvensane ikkje skal bli større enn det som er nødvendig, seier prosjektleiar Hans Rune Paulsen i Møre og Romsdal fylkeskommune. 

Trafikkavvikling

Så langt det er mogleg, skal arbeida på kaiene gjennomførast utan at det påverkar trafikken. 

- I særskilte tilfelle kan det bli behov for å innstille enkeltavgangar eller om natta. Det vil berre skje unntaksvis og det vil bli varsla, fortel prosjektleiaren.

Ferdig i 2024

Ferjesambandet Sølsnes-Åfarnes er det tredje største fylkesvegsambandet i Møre og Romsdal og er svært viktig for trafikken mellom Nordmøre og Romsdal og Austlandet. Kaiene skal tilpassast dei nye nullutsleppsferjene med nye tilleggskaier (pirar), som skal stå ferdige til 2024.

Møre og Romsdal fylkeskommune fekk berre inn eitt tilbod, og det var vesentleg høgare enn byggherreoverslaget. No ønskjer fylkeskommunedirektøren å vurdere andre gjennomføringsstrategiar.

Fylkeskommunedirektøren varslar fleire grep:

• Ny vurdering av gjennomføringsstrategi, som til dømes å samle alt arbeid i ei kontrakt. Grunnen til at prosjektet var delt opp i to entreprisar er at reguleringsarbeidet for liggekai på Sølsnes ikkje er ferdig før over sommaren i år
• Redusere omfang for å redusere kostnadane
• Jobbe mot marknaden for å legge til rette for at fleire entreprenørar vil regne på oppdraget
• Optimalisering/forenkling for å korte ned byggetida for å nå planlagt ferdigstilling av kaiene, hausten 2023

Trafikken går som normalt

Ferjene som trafikkerer sambandet i dag er dei same som vil gå der også etter 2023. Om kaiene blir ferdige seinare enn hausten 2023, vil ikkje det ha konsekvens for trafikantane i sambandet.

Vidare prosess for nye kaier på Sølsnes og Åfarnes blir beslutta av fylkesutvalet i møte 28. februar 2022.

I samsvar med § 12-8 i plan – og bygningslova kunngjer Møre og Romsdal fylkeskommune oppstart av reguleringsplanarbeid for ny liggekai på Sølsnes i Molde kommune.

Reguleringa gjeld ny liggekai ved Gjertrudhammaren, plassering av nye tekniske bygg samt parkerinsgplassar m.v.  Planen vil bli utarbeidd i samarbeid med Molde kommune.  Målsettinga med planarbeidet er å skaffe eit formelt grunnlag for å kunne bygge ny liggekai på Sølsnes. Planen vil bli utarbeidd som ei detaljregulering etter § 12-3 i plan – og bygningsloven. 

Møre og Romsdal fylkeskommune ønskjer synspunkt, innspel og andre relevante opplysingar til planarbeidet innan 28. april 2021. Det er sendt eiget brev til grunneigarar innafor planområdet, naboar og andre høyringsinstansar.

Send innspela skriftleg til Møre og Romsdal fylkeskommune, Julsundvegen 9, 6412 Molde eller på epost: post@mrfylke.no.  

Spørsmål om planarbeidet kan rettast til planleggingsleiar Kristin Fostervold.

Nye pirar på Åfarnes og Sølsnes og ei ny liggekai på Sølsnes blir bygd til nytt ferjeanbod startar 1. januar 2024.

Utbygginga har ein estimert kostnad på 110 millionar kroner. Det er 30 millionar kroner mindre enn løysinga som blei vedtatt i 2019 og som reiarlaget seinare har meldt behov for omfattande og kostnadskrevjande endringar på.

- Det er veldig bra at vi har funne gode løysingar som både gir innsparingar og gjer at vi har kaier som kan ta imot dei nye og større hybridferjene som kjem i sambandet frå 2024, seier leiar av samferdselsutvalet Kristin Sørheim.

Møre og Romsdal fylkeskommune startar no planlegging og prosjektering av nye pirar og liggekai. Planen er å lyse ut kontrakt på bygging av pirar andre halvår 2022 og utlysing av kontrakt på bygging av ny liggekai i starten av 2023.