Startar planlegging av oppgradering av Eiksundtunnelen
Prosjektleiaren inviterer kommunane til dialog.
Møre og Romsdal fylkeskommune startar no opp prosjektering og planlegging av oppgradering av Eiksundtunnelen.
- Vi ønsker å ha ein open og god dialog med kommunar og andre aktørar i området, seier prosjektleiar Kristian Høie Næsheim.
Prosjektet er ein del av fylkeskommunen sitt arbeid med tunneloppgradering. Tunnelar som kjem inn under tunnelsikkerheitsforskrifta for fylkeskommunale vegar skal oppgraderast med tanke på tryggleik.
Den foreløpige planen er prosjektering fram til hausten 2026, konkurranseutsetting i løpet av hausten og oppstart av arbeid i januar 2027.
Fylkeskommunen ønsker allereie no å varsle kommunane i området om at arbeidet er på veg inn i ein ny fase. Det kan bli aktuelt med dialog og møte med relevante aktørar i løpet av den komande tida.