Fv. 659 og fv. 668 Brattvåg - Dryna

Fakta

Veg: Fv. 659 og fv. 668  

Planlagd ferdig:  Dryna 04.03.2026 og Brattvåg 01.01.2027

Fase:  Prosjektfase / Planlegging

Kommune: Midsund og Haram

Entreprenør: Dryna: Christie Opsahl. Brattvåg er enno ikkje lyst ut 

Kontaktperson: Hans Rune Paulsen, prosjektleiar, tlf. 988 34 677

Om prosjektet

Målet med prosjektet er å sørge for gode kaiforhold for ferjeruta 1056. Dette ferjesambandet knyter saman øyane Dryna, Midøya og Otrøya i Molde kommune med fastlandet ved kommunesenteret Brattvåg i Haram kommune.

Bakgrunnen for oppgraderinga er teknisk tilstand. Ny ferjekontrakt vil vere på plass frå 1. januar 2029, der nye ferjer er venta å vere noko større enn dei som går i dag. Sambandet er ikkje planlagt elektrifisert.

Planen om oppgradering av kaiforholda har vore på fylkeskommunen sin økonomiplan sidan 2020 under namnet «Ytre utasundspakke del 1. Dryna ferjekai og Brattvåg ferjekai». Budsjettet vart vedteke på Fylkestinget i desember 2023.

Byggetid Dryna: 1. oktober 2025–4. mars 2026
Byggetid Brattvåg: 1. desember 2025–1. januar 2027

I periodar vil sambandet bli stengt.  Dette vil bli opplyst i media og på Fram sine nettsider. Når sambandet er stengt for biltrafikk, vil det bli sett opp rutebåt for passasjerar.