Miljøprisen 2025: Du kan vere med og bestemme

Miljøprisen 2024: Frå venstre leiar i kompetanse- og næringsutvalet Geir Stenseth, dagleg leiar Ola Fremo i Friluftsrådet Nordmøre og Romsdal, fagleiar marin forsøpling Malin Therese Fiksdal i Sunnmøre Friluftsråd, dagleg leiar Sunnmøre Friluftsråd Anne Berit Støyva Emblem, Randi Kjærstad Hagerup (Sunnmøre Friluftsråd), Malin Giske (Sunnmøre Friluftsråd), Linda Bakken (Sunnmøre Frilftsråd) og fylkesordførar Anders Riise. Per-Kristian Bratteng

Prisen går til personar, organisasjonar eller verksemder som har gjort ein særleg innsats for miljøet i fylket. Fristen for å sende inn forslag er 15. oktober.

Miljøprisen skal løfte fram gode døme innanfor områda berekraftig utvikling, klima, biomangfald, forureining eller alternativ og fornybar energi. Alle kan nominere, og innsatsen må ha tyding for miljøet i Møre og Romsdal.

Send inn ditt forslag

Nominasjonen skal innehalde ei kort grunngjeving. 

Skjema for nominering ligg på fylkeskommunen si nettside.

Miljøprisen består av eit kunstverk utforma av ein kunstnar frå Møre og Romsdal og 15.000 kroner, og prisen blir delt ut under fylkestingssamlinga i desember. 

Det er kompetanse- og næringsutvalet som er jury.

Tidlegare vinnarar av Miljøprisen