Tilskotet skal bidra til at fagskolane kan tilby praksisnær og relevant utdanning som møter kompetansebehova i arbeids- og samfunnslivet i Møre og Romsdal.
For 2027 vil fylkeskommunen særleg prioritere utdanningstilbod innan helse- og velferdsfag, tekniske fag, maritime fag og sikkerheit og beredskap. Det blir også lagt vekt på fleksible og desentraliserte tilbod som gjer det mogleg å kombinere utdanning med jobb og andre forpliktingar.
– Spelar ei viktig rolle
– Fagskolane, også kjend som høgare yrkesfagleg utdanning, spelar ei viktig rolle i å gi arbeidslivet tilgang på kompetansen det treng. Vi ønsker at midlane skal bidra til utdanningstilbod som er relevante, tilgjengelege og godt forankra i behova i fylket, seier Solveig Stornes, rådgivar i Møre og Romsdal fylkeskommune
Frå 2027 går fordeling av det statlege tilskotet over til ei ordning med rammetildeling. Fagskolane søker dermed om ei samla ramme til drift av utdanningstilboda sine, og søknadane blir vurderte mellom anna ut frå kompetansebehov, relevans og gjennomføring.
Søk før 1. november
Den endelege økonomiske ramma blir fastsett etter Stortinget sitt budsjettvedtak i desember.
Søknadsfristen er 1. november 2026 kl. 12.00.
Les meir om tilskotsordninga, og søk her.