Det skriv fylkeskommunedirektøren i saksframlegget for saka «Skaparkraft – årsrapport 2023». Politikarane får årsrapporten som sak, først i kompetanse og næringsutvalet fredag 15. mars, og deretter i fylkesutvalet 8. april og fylkestinget 22.-24. april.
- Skaparkraft er fylket si tiårige satsing på berekraftig eksport. Tilskotsordninga er delt opp i fire delprogram: Grøne industrielle løft, smart teknologi, fornybar energi og kompetanse i og for næringslivet.
- Programmet går frå 2022 til 2032 og er finansiert av Møre og Romsdal fylkeskommune. Det er sett av 15 mill. kroner til programmet kvart år i gjeldande økonomiplanperiode.
- Les meir om Skaparkraft på fylkeskommunen sine nettsider.
I saksframlegget skriv fylkeskommunedirektøren at omstillingsbehovet i næringslivet er stort: «Krav frå myndigheiter og marknader om berekraftige løysingar og verdikjeder, gjer at vi må utvikle nye produkt og tenester og finne nye måtar å produsere på. Bedriftene si evne til å utvikle og bruke avansert teknologi og fornybare energikjelder vil ha stor innverknad på konkurransekrafta og moglegheit for vekst i åra som kjem.»
Fylkeskommunedirektøren meiner den strategiske satsinga underbygger fylkeskommunen si rolle som samfunnsutviklar: «Gjennom dette programmet har fylkeskommunen ein unik moglegheit til å stimulere til innovasjon, entreprenørskap og berekraftig vekst i regionen», går det fram av saksframlegget.
Møteinnkalling, saksliste og saksframlegg for kompetanse- og næringsutvalet fredag 15. mars 2024