Vassforvaltning

Vi arbeider for reint vatn og eit godt vassmiljø i elvar, innsjøar og kystområde i Møre og Romsdal. Her finn du informasjon om miljøtilstanden i vatnet, prioriterte tiltak og støtteordningar for vassmiljøtiltak

Slik arbeider vi med vassforvaltning

Fylkeskommunen samarbeider med kommunar, statlege etatar og andre aktørar for å ta vare på vassmiljøet. Målet er at elvar, innsjøar, grunnvatn og kystvatn skal ha god miljøtilstand, og at vatnet blir brukt på ein måte som ikkje skadar naturmangfaldet.

Som vassregionmyndigheit koordinerer fylkeskommunen arbeidet med vassforvaltning i Møre og Romsdal.

Tilstanden i vatnet

Møre og Romsdal har 2452 vassførekomstar, det vil seie elvar, innsjøar, grunnvassområde og kystvatn som blir forvalta som eigne einingar.

Om lag 700 vassførekomstar (21%) oppnår ikkje god miljøtilstand. Hovudutfordringane er miljøgifter, avløp, akvakultur, Gyrodactylus salaris, flaumsikring/andre fysiske inngrep, landbruk og vassdragsreguleringar. 

Sjå miljøtilstanden i vassførekomstar i Møre og Romsdal vassregion (PowerBI)

Prioriterte innsatsområde

I planperioden prioriterer vi: 

  • Vassdrag med laks og sjøaure 
  • Miljøgift og forureina sjøbotn
  • Landbruk og avløp
  • Plastforsøpling i kyst og vassdrag
  • Minstevassføring i Svorka/Bævra, Toåa og Skallelva/Oppdølselva gjennom vilkårsrevisjon
  • Følge opp tiltak i Aura/Eira, Surna og Mørevassdraget

Søk støtte til vassmiljøtiltak

Kommunar, lag, foreiningar og andre aktørar kan søke om støtte til tiltak som forbetrar vassmiljøet.

Søk støtte til vassmiljøtiltak

Prosjekt: Mange bekkar små

Sjøauren har gått tilbake mange stadar i fylket. Gjennom prosjektet “Mange bekkar små” kartlegg vi bekkar, forbetrar leveområda og fjernar vandringshinder for fisken. Målet er å styrke sjøaurebestanden langs kysten gjennom praktiske tiltak og samarbeid med lokale aktørar.  

Les meir om prosjektet og korleis du kan bidra

Kart og informasjon om vassmiljøet

  • Portalen Vann-nett er den nasjonale databasen for informasjon om vassførekomstar, milljøtilstand, påverknad, tiltak og miljømål. 
  • Den nasjonale vannportalen gir informasjon om vassforvaltning, organisering, regelverk og arbeidet i dei ulike vassregionane.

Om vassregionen

Møre og Romsdal vassregion omfattar heile fylket og delar av nabofylka. Regionen er delt inn i fem vassområde:

  • Nordre Nordmøre
  • Søre Nordmøre
  • Romsdal
  • Nordre Sunnmøre
  • Søre Sunnmøre

Dei største vassdraga i regionen er Driva, Rauma, Surna og Eira/Aura.

Kontakt