Lærebedrifta sitt ansvar

Dette må bedrifta ha på plass

• Sørg for å ha eit system for internkontroll. Du finn internkontrollskjema for lærebedrifter her.
• Lærlingen har rett på eit trygt og godt arbeidsmiljø fritt for trakassering. Lærebedrifta må arbeide førebyggande for å sikre dette. Les meir i retningsliner for førebygging og handtering av seksuell trakassering (PDF, 260 kB), og heng gjerne opp plakat for førebygging av seksuell trakassering. (PDF, 68 kB)

Før opplæringa startar

• Skriv lærekontrakt og arbeidsavtale. 
• Planlegg oppstarten. La gjerne lærlingen få kome på besøk før første arbeidsdag for å gjere seg kjent og helse på kollegaer.
• Gå gjennom læreplanen, både overordna del og fagspesifikk del. Lag ei intern plan for opplæringa. 
• Sørg for at lærlingen har ein godkjent fagleg leiar med hovudansvar for lærlingen. Ved behov for endring av fagleg leiar kan de søke om dette. Det er den nye faglege leiaren som må søke.

I starten av opplæringa

• Ta godt imot lærlingen på første arbeidsdag. Arbeid for å skape ein god relasjon til lærlingen, og eit trygt miljø.
• Gjennomfør oppstartsamtale. Vurder om det er behov for særleg tilrettelegging.
• Ha ei tett oppfølging i starten og inkluder lærlingen i planlegginga av opplæringa.
• Sjekk om lærlingen manglar fag eller eksamenar. Lag ei plan for gjennomføring av fellesfag (PDF, 454 kB)om noko manglar. Lærlingen kan søke om unntak frå bestått i inntil to fellesfag på visse vilkår. 
• Start på gjennomføring av kompetansepakka som Utdanningsdirektoratet har laga

Kurs og kompetanseheving for lærebedrifta

• Meld deg på kurs for faglege leiarar og instruktørar som fylkeskommunen gjennomfører kvar haust. Lærebedrifta får invitasjon.
• Delta gjerne på webinara som fylkeskommunen arrangerar.

Oppfølging av lærlingen

• Følg opp lærlingen jamnleg. Gjennomfør halvårssamtalar. 
• Dersom lærlingen skal ha permisjon, militærteneste eller liknande må de søke om endring av læretid. Bruk skjema Søknad om endring av læretid
• Dersom de opplever utfordringar i læretida så kan opplæringskontor, seksjon Opplæring i bedrift i fylkeskommunen eller elev- og lærlingombodet hjelpe.  Det er viktig å ta tak i utfordringa tidleg for å finne ei god løysing. Bruk rettleiar ved bekymring i læreforhald og fare for heving (DOCX, 781 kB) til hjelp.
• Dersom du skal ta inn ein lærekandidat som ikkje har søkt om læreplass innan fristen, eller skal endre kontrakten frå lærling til lærekandidat eller omvendt, må du søke om dette. Bruk skjema for søknad om opplæringskontrakt eller omgjering av kontrakt
• Dersom lærekontrakten må hevast, bruk skjema søknad om heving av lærekontrakt

Før fagprøva

• Meld opp lærlingen til fagprøve i Vigobedrift Dersom lærebedrfta er medlem av eit opplæringskontor kan det vere at det er opplæringskontoret som melder opp lærlingen.
• Gjennomfør mini-fagprøver der lærlingen kan øve på gjennomføring av fagprøva.

Under fagprøva

• Legg til rette for gjennomføring av fagprøva på prøvedagane.