Tannhelsetilbod til unge vaksne, frå 19-28 år

Ta kontakt med din offentlege tannklinikk for å avtale time, dersom du ikkje allereie har timeavtale.
Oversikt over offentlege tannklinikkar i Møre og Romsdal finn du her.

Dersom din offentlege tannklinikk ikkje har kapasitet til å ta deg inn på noverande tidspunkt, kan du bli vist vidare til ein anna offentleg tannklinikk eller bli sett på venteliste. 

Du vil ikkje ha krav på refusjon om du nyttar privat tannklinikk, utan føregåande henvisning frå din offentlege tannklinikk.

Dersom du blir henvist til privat tannklinikk, skal eigenandelen betalast direkte til den private tannlegen eller tannpleiaren du får utført behandlinga hos. Du skal ikkje sende refusjonskrav. Behandlaren finn meir informasjon om refusjon av behandlingsutgifter nedanfor.

Flyktningar og asylsøkarar i aldersgruppa 19–28 år med midlertidig opphaldstillatelse må ha budd i Norge i 5 år for å ha rett til rabattert tannbehandling i den offentlege tannhelsetenesta. For meir informasjon om rettar for flyktningar og asylsøkarar: Kven har rett til gratis eller rabattert tannbehandling? - Møre og Romsdal fylkeskommune

Dette gjeld pasientar i alderen 19-28 år som ved henvendelse til den offentlege tannhelsetenesta er vist vidare til å kunne nytte privat tannlege.

Pasienten skal betale eigenandelen direkte til den private behandlaren, men maksimalt 25 prosent av departementets fastsette honorartakstar (Helfo-takst). Tannlegen eller tannpleiaren sender refusjonskrav for resterande behandlingskostnad til Fylkestannlegen i Møre og Romsdal. Dette er ei førebels ordning som gjeld inntil vidare. Det er kun kostnadene ved nødvendig tannbehandling som vil bli dekka.

Last ned skjema:

SKJEMA Refusjonskrav for behandling av pasientar mellom 19 - 28 år (XLSX, 53 kB)

(Skjema oppdatert 17.01.2025).