Tannhelsetilbod til unge vaksne, 19-28 år

Ta kontakt med din offentlege tannklinikk for å avtale time, dersom du ikkje allereie har timeavtale.
Oversikt over offentlege tannklinikkar i Møre og Romsdal finn du her.

Dersom din offentlege tannklinikk ikkje har kapasitet til å ta deg inn på noverande tidspunkt, kan du bli vist vidare til ein anna offentleg tannklinikk eller bli sett på venteliste. 

Du vil ikkje ha krav på refusjon om du nyttar privat tannklinikk, utan føregåande henvisning frå din offentlege tannklinikk.

Dersom du blir henvist til privat tannklinikk, skal eigenandelen betalast direkte til den private tannlegen du får utført behandlinga hos. Du skal ikkje sende refusjonskrav. Behandlaren finn meir informasjon om refusjon av behandlingsutgifter nedanfor.

Flyktningar og asylsøkarar i aldersgruppa 19–28 år med midlertidig opphaldstillatelse må ha budd i Norge i 5 år for å ha rett til rabattert tannbehandling i den offentlege tannhelsetenesta. For meir informasjon om rettar for flyktningar og asylsøkarar: Kven har rett til gratis eller rabattert tannbehandling? - Møre og Romsdal fylkeskommune

Tilbodet til den nye pasientgruppa 21-28 år blir gitt i den offentlege tannhelsetenesta. Pasientar kan unntaksvis bli vist vidare til behandling hos private behandlarar. Dette vil gjelde pasientar der behandling hastar, og den offentlege tannhelsetenesta mellombels har kapasitetsutfordringar knytt til pasientgruppa unge vaksne.

Desse pasientane vil ha rett på same nødvendig tannbehandling med 75 prosent rabatt, som ved behandling i den offentlege tannhelsetenesta.

I slike tilfelle skal pasienten betale eigendelen på maksimalt 25 prosent av departementets fastsette honorartakstar (Helfo-takst) direkte til den private behandlaren. Tannlegen eller tannpleiaren sender refusjonskrav for resterande behandlingskostnad til Fylkestannlegen i Møre og Romsdal. Det er berre kostnadene ved nødvendig tannbehandling som vil bli dekka, og berre i dei tilfella pasienten er vist vidare frå den offentlege tannhelsetenesta.

Last ned skjema:

SKJEMA Refusjonskrav for behandling av pasientar mellom 21 - 28 år (XLSX, 53 kB)

(Skjema oppdatert 17.01.2025).