Kultur-, næring- og folkehelseutvalet bestemte 30. august i fjor at dei eittårige driftstilskota no går ut (les meir i saka KNF 90/23) . Driftstilskota går no over til å følge planperiodane og gis no for ei periode på fire (og to) år.
Desse ordningane går ut:
- Eittårige driftstilskot til frivillige organisasjonar og amatørkultur (siste moglegheit for å søke ordninga var 1. april 2023)
- Eittårige driftstilskot til historiske spel, festivalar og andre kulturarrangement (siste moglegheit for å søke ordninga var 1. november 2023)
Desse ordningane er erstatta av den nye ordninga prosjekt og tiltak allmennkultur og idrett.
Sjølv om ordningane no blir endra kan du søke om driftstilskot også i åra framover. Retningslinjene for dei nye driftstilskota skal behandlast i kultur- og folkehelseutvalet før sommaren.
Når retningslinjene for dei nye driftstilskota er vedtatt vil vi publisere meir informasjon.
Betre rettleiar for søkarane
Vi skal lage ein god rettleiar som tydeleggjer kven som kvalifiserer til å få driftstilskot. Det er berre dei som oppfyller desse kriteria som kan søke driftstilskot til kulturområdet frå fylkeskommunen.
Utvida periode for støtte
Driftstilskota blir no utvida frå ei periode på eit og tre år, til ei periode på fire (og to) år. Første periode for tildeling er 2025–2028.
De kvalifiserer ikkje no – korleis kan de få støtte for to år?
Dersom de ikkje oppfyller alle kriteria for å få driftstilskot for heile perioden på fire år innan søknadsfristen 1. november, vil de få avslag på søknaden. Alternativet for å få støtte frå fylkeskommunen blir da å søke prosjekttilskot.
Når vi er halvvegs i planperioden opnar vi for nye søknadar for dei to siste åra, 2027 og 2028. Viss de da kvalifiserer til å søke driftstilskot frå oss, kan de få støtte for perioden 2027–2028. Da kan de òg søke om driftstilskot når vi opnar for søknadar til ein ny periode på fire år.
Søknadsfrist
Søknadsfrist er 1. november og det første året du kan få støtte til drift er dermed 2025.
Møre og Romsdal fylkeskommune har fleire ordningar som du kan søke på for prosjekt og mindre, ev. tidsavgrensa, tiltak innan kultur, folkehelse, idrett og friluftsliv. Her finn du oversikt over tilskotsordningane til kulturområdet frå fylkeskommunen.