Formål
Formålet med tilskotsordninga er å auke fullføringa i fag- og yrkesopplæringa gjennom betre kvalifisering fram mot læreplass, styrke oppfølging i overgangane mellom skole og arbeidsliv, og tettare oppfølging av elevar ute i bedrift.
Midlane skal brukast til utviklingsprosjekt der yrkesfaglege skolar testar ut nye arbeidsmetodar og tiltak.
Kven kan søke?
Vidaregåande skolar i Møre og Romsdal.
Kva kan det søkast midlar til?
Det kan søkast midlar til tidsavgrensa utviklings- eller pilotprosjekt der ein testar ut noko nytt som ikkje inngår i skolen si ordinære drift i dag. Prosjekta skal bidra til å:
- tilpasse og betre opplæringa slik at fleire kandidatar kvalifiserer seg til læreplass
- styrke samanhengen mellom opplæring i skole og arbeidsliv
- forsterke oppfølginga av elevar i overgangane mellom grunnskole og vidaregåande opplæring, og mellom skole og arbeidsliv
- etablere eller prøve ut tiltak som motverkar diskriminering
Dersom ein skole søker om midlar til fleire tiltak, ber vi om at skolen set opp tiltaka i prioritert rekkefølge (sjå søknadsskjema)
Krav til søknaden
Søknaden skal innehalde:
- ei skildring av behovet tiltaket skal møte
- ei skildring av tiltaket som skal prøvast ut
- ei skildring av ressursbehov
- ein framdriftsplan
Vurderingskriterium
Søknadene blir vurderte ut frå:
- relevans for formålet med Samfunnskontrakten
- grad av nytenking
- tydeleg samanheng mellom behov, tiltak og forventa effekt
Rapportering
Skolar som får tildelt midlar, må rapportere til seksjon Opplæring i bedrift undervegs i arbeidet, og vere førebudde på å informere om prosjektet i ulike samanhengar.
Skolar som får midlar, skal levere ein kort sluttrapport med erfaringar, resultat og tilrådingar.
Søknadsfrist
Gå til søknadsskjema