Formål
Ordninga skal bidra til å styrke kvaliteten i fag- og yrkesopplæringa gjennom målretta kompetanseutvikling i lærebedrifter. Midlane skal bidra til auka samarbeid mellom skole og arbeidsliv og at aktørane ser heile opplæringa i skole og bedrift i samanheng. Kompetansetiltaka skal bidra til konkrete og planlagde endringar i praksis.
Du kan lese meir om ordninga på Utdanningsdirektoratet sine heimesider.
Kva kan du søke om støtte til?
Tiltaka må vere innanfor satsingsområda for ordninga:
- Læringsmiljø for inkluderande praksis (døme på tiltaksområder er arbeid med inkluderande praksis, det fleirkulturelle arbeidsmiljøet, psykisk helse, trygt miljø, vurderingspraksis, medverknad, rettleiings- og relasjonskompetanse)
- Relevans i opplæringa (døme på tiltaksområder er digitalisering/ny teknologi/KI, samarbeid mellom skole og arbeidsliv, UH-sektoren eller andre kompetansemiljø)
Du kan til dømes søke om støtte til:
- felles kompetansetiltak for fleire lærebedrifter gjennom samlingar eller kurs
- samarbeidstiltak som styrker kvaliteten i fag- og yrkesopplæringa
- hospitering mellom skole og lærebedrift
Hospiteringa bør vere over om lag to-fem dagar. Tilskotmottakar får 3000 kroner per dag for å gjennomføre hospiteringa.
Døme på tidlegare innvilga søknader
- Korte morgonmøte eller samlingar mellom skole og arbeidsliv med tema innanfor vurdering, faget Yrkesfagleg fordjuping og plan for samarbeid gjennom skoleåret.
- Instruktør i lærebedrift og yrkesfaglærar hospiterer hos kvarande for å forstå arbeidskvardagen til kvarandre og bidra til at elevane blir meir førebudd til læretida.
Kven kan søke?
- Instruktørar og faglege leiarar i lærebedrifter
- Tilsette i samarbeidsorgan kan søke på vegne av sine tilknytta bedrifter
Midlane skal gå til kompetanseutvikling av faglege leiarar og instruktørar i lærebedrifter som har lærling. Lærlingar er ikkje målgruppe for tilskotsordninga, og kan difor ikkje få støtte gjennom denne.
Økonomiske rammer og vurdering av søknader
Totalramma for tilskotet til lærebedrifter er 1,1 millionar kroner. På grunn av avgrensa midlar i ordninga blir det lagt vekt på kostnadseffektiv bruk av midlane, og i hovudsak vil søknader med moderate søknadsbeløp bli prioriterte. Tiltak med stort omfang, der mange lærebedrifter eller målgrupper deltek, kan likevel bli vurderte for høgare tilskot. Tiltak kan bli innvilga med lavere beløp enn omsøkt, avhengig av antal søknader og samla søknadssum.
Midlane skal bidra til at flest mogleg lærebedrifter får støtte til kompetanseutvikling. Søknadene blir vurdert samla, og i vurdering av søknadene vil det bli særleg lagt vekt på:
- at tiltaka er innanfor satsingsområda for ordninga,
- involvering av fleire målgrupper (skoler, lærebedrifter, prøvenemnd el.)
- grad av samarbeid mellom aktørar
- bruk av hospitering som metode for kompetanseutvikling
- kostnadseffektivitet og gjennomførbarheit
Midlane må brukast i løpet av hausten 2026 og/eller våren 2027.
Rapportering
Tilskotsmottakar må rapportere på bruken av midlane.
Søknadsfrist
Send inn ein søknad per tiltak. Dersom du søker om fleire tiltak, må du skrive inn prioritert rekkefølge på tiltaka.
Søknadsfrist er 1. september 2026.
Søk her