Fv. 659 Ny Finnøybru

Dagens Finnøybru

Dagens bru vart bygd i 1971. Ny bru må bli bygd i tråd med dagens krav, og må tole dei aukande utfordringane kring havnivåstiging og stormflo. Møre og Romsdal fylkeskommune er veg– og brueigar, og har overordna ansvar for alt arbeid knytt til planlegging, bygging, forvaltning, drift og vedlikehald av fylkesvegane i fylkeskommunen.

Møre og Romsdal fylkeskommune har prioritert tiltaket med ny bru, og det er politisk forankra i sak SA64/22, samt løyvingar i økonomiplanperioden 2023-2027 med om lag 70 mill. kroner. 

Kunngjering om oppstart av detaljregulering for del av fv. 659, Finnøybrua - gbnr. 803/206 mfl. i Ålesund kommune

I samsvar med plan- og bygningslova § 12-8 kunngjer Møre og Romsdal fylkeskommune oppstart av reguleringsplanarbeid for fv 659 Finnøybrua i Ålesund kommune.

I kommunedelplanens arealdel er området avsett til formål «Veg». I sjø er det i avsett formål «Bruk og vern av sjø og vassdrag med tilhøyrande strandsone». Deler av sjøarealet rører ved omsynssone (H_720) om bandlegging etter lov om naturvern. Området er ikkje tidlegare detaljregulert.

Målsetjinga med planarbeidet er å legge til rette for å erstatte dagens bru på fv. 659 mellom Harøya og Finnøya med ny bru, forbetring av kurvatur og tilpassing til dagens veg på begge sider av brua. Det blir naudsynt med fylling i sjø for å heve og breiddeutvide deler av moloen slik at veg- og brubreidde blir i
samsvar med vegnormalane og fyller krava til sikkerheit mot framtidig stormflo. Det planleggast for tilrettelegging for mjuke trafikantar. I anleggsperioden skal det etablerast ei mellombels bru for trafikkavvikling, og båttrafikken gjennom sundet kan blir noko avgrensa.

Det er vurdert at planarbeidet ikkje utløyser krav til konsekvensutgreiingar, jf. gjeldande KU-forskrift.

Innspel

Om du har innspel til planarbeidet eller andre relevante opplysningar, kan du sende det til Møre og Romsdal fylkeskommune, Julsundvegen 9, 6412 Molde, på e-post til: post@mrfylke.no eller via digital post innan 21. mars 2025. Merk uttalen med saksnr: 24/9459.

Grunneigarar og rettshavarar innanfor planområdet, naboar, offentlege styremakter og organisasjonar blir tilskrive direkte.

Spørsmål kan rettast til planleggingsleiar Per Gunnar Løset på tlf. 943 65 962 eller e-post: per.gunnar.loset@mrfylke.no.

Her finn du alle dokument knytta til planoppstarten:

Oppdateringar frå prosjektet