Presiseringar
Kulturtilskot er eit gode du kan søke om å få, men ikkje noko du har krav på. Tildelinga skjer på bakgrunn av retningslinjer, krav og prioriteringar. Desse er gjort kjent på førehand.
Tilskotsmidlar er eit knappleiksgode. Det betyr at det er mindre pengar tilgjengeleg enn det som blir søkt om. Derfor gjer fylkeskommunen ei vurdering av søknadane basert på skjønn. Dette betyr også at gode søknadar, som er i tråd med retningslinjene, kan bli avslått eller få mindre støtte enn det de har søkt om.
Vi er avhengig av nok pengar i budsjettet for å kunne gjere tildelingar.
Kva kan du søke støtte til?
Aktivitetstiltak og arrangement som treff formålet med ordninga. Størrelse på tilskotet vurderast opp mot budsjett for kvart tiltak, kor stor aktivitet som blir skapt og tilgjengelege midlar.
De kan maksimalt søke om 50 000 kr per prosjekt og støtta frå fylkeskommunen kan ikkje utgjere meir enn 50 % av prosjektet sitt totalbudsjett.
Les dei fullstendige retningslinjene for ordninga (PDF, 89 kB).
Kven kan søke om støtte?
- Frivillige lag og organisasjonar
- Kommunar og regionale kulturinstitusjonar, i samarbeid med frivillig aktør
Formål
Tilskotsordninga er ein del av markeringa av friluftslivets år 2025 og skal bidra til eit større mangfald av friluftslivsaktivitetar og arrangement, og til at ulike aktørar på tvers av kultursektoren kan finne saman og skape friluftslivsopplevingar i heile Møre og Romsdal.
Aktivitetane skal bidra til begeistring for eit naturvennleg friluftsliv og senke terskelen for deltaking slik at fleire kan få gode opplevingar utandørs og finne ein aktivitet å trivast med over tid.
Følg denne lenka for å lese meir om måla for Friluftslivets år.
Søknadsfrist
1. november
Send inn søknaden din
Treng du mal for budsjett og rekneskap til søknaden din? Det finn du ved å følge denne lenka (XLTX, 16 kB).
Saksbehandling
Kulturavdelinga i Møre og Romsdal fylkeskommune har normalt fire veker saksbehandlingstid for søknadar om tilskot, frå første kvardag etter søknadsfrist. Etter at søknaden er behandla vil du få svar på søknaden din skriftleg. I tildelingsbrevet finn du opplysningar om tildelt sum og kva vilkår som må vere oppfylte før du kan få støtta utbetalt.